SOCAR gələn il “Azərneftyağ” NEZ-in sökülməsinə başlamağı planlaşdırmır.
SOCAR-ın vitse-prezidenti Davud Məmmədov deyib ki, buna ehtiyac yoxdur.
“Ötən ilin əvvəlindən “Azərneftyağ” NEZ və Heydər Əliyev adına Bakı Neft Emalı Zavodu hüquqi cəhətdən birləşdirilib. Hazırda “Azərneftyağ” NEZ-in ləğv edilməsi davam edir. Proses 5 ilə başa çatacaq”, - deyə SOCAR-ın vitse-prezidenti qeyd edib.
Onun sözlərinə görə, indi NEZ-in sökülməsinə başlamaq planlaşdırılmır. Bu məsələyə 2-3 ildən sonra baxıla bilər.
SOCAR-da Turan agenyliyinə izah ediblər ki, “Azərneftyağ” NEZ-də hazırda bitum istehsalı qurğusu işləyir. H. Əliyev adına Bakı Neft Emalı Zavodunda bitum istehsalı qurğusu modernləşmədən sonra 2018-ci ilin ortalarında istismara veriləcək. Yeni qurğu 4-5 ay test rejimində işləməli, 2019-cu ildə “Azərneftyağ” NEZ avadanlığın sökülməsi və ərazinin təmizlənməsi üçün işini dayandırmalıdır.—0--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz