Cənubi Koreyanın Samsung Engineering şirkəti 2018-ci ilin I rübündə Sumqayıtda karbamid zavodunun tikintisinə başlayacaq, deyə şirkətin təmsilçisi Noh Eyçul (Noh Eichul) dünən İqtisadiyyat Nazirliyinin “Sənayenin inkişafına dövlət dəstəti” adlı tədbirində çıxışı zamanı bildirib.
“Hazırda layihə çərçivəsində işlərin 66%-i görülüb. O cümlədən layihə işləri 99%, təchizat işləri 84%, tikinti işləri 13% yerinə yetirilib. Mexaniki işlər 2017-ci ilin IV rübündə başa çatacaq. Müəssisə 2018-ci ilin I rübündə istismara veriləcək”, – deyə o bildirib.
Onun sözlərinə görə, hazırda burada 600 nəfər çalışır ki, onların cəmi 40-50 nəfəri xarici vətəndaşdır. Pik mərhələdə işçilərin sayı 2 000 nəfərə çatacaq.
Zavodun direktoru Xəyal Cəfərov deyib ki, tikilməkdə olan karbamid zavodu istismara verildikdən 7-8 il sonra mənfəət əldə etməyə başlayacaq.
“Zavodun istehsal gücü sutkada təqribən 2 min ton karbamid və ya ildə təqribən 650-660 min ton karbamid təşkil edəcək: "Azərbacanın karbamidə tələbatı ildə təqribən 150-200 min ton təşkil edir və bu, ən nikbun göstəricilərdir".
Onun sözlərinə görə, karbamidin tədarük ediləcəyi zavodun əsas bazarı Türkiyə olacaq. Karbamid bu ölkəyə Bakı-Tbilisi-Qars dəmir yolu ilə çatdırılacaq. Türkiyə hazırda ildə 1,5-1,8 mln ton karbamid idxal edir. Məhsul Ukrayna, RF və Yaxın Şərq ölkələrindən alınır.
Layihənin maliyyələşməsinə gəlincə, Koreya Eximbankı ilə danışıqlara apreli sonu - mayın əvvəlində başlanılacaq. Eximbank təmsilçiləri Azərbaycana gələcək. “Proses 3-4 ay çəkə bilər”, - deyə Cəfərov bildirib.
Samsung Engineering ilə imzalanan sazişin qiyməti 498 mln avrodur. Eximbankdan ilk kredit 150 mln avro təşkil edir. Bu vəsaitlər, vergilər, tikinti işləri, infrastruktur (qaz və su kəməri) nəzərə alınmaqla layihənin qiyməti 910-920 mln avro olacaq. Bu məbləğin 200 mal avrosu vergiyə gedəcək.
İndiyədək layihəyə 320-330 mln avro, o cümlədən Eximbankdan 110 mln avro qoyulub.
* Tikinti işlərinə 18 fevral 2014-cü ildə başlanılıb. Zavod üçün 24 ha ərazi ayrılıb.
Zavodda 3 istehsal sahəsi olacaq: ammiak istehsalı (sutkada 1,2 min ton); karbamid istehsalı (ildə 600-650 min ton); karbamid dənələri istehsalı.–12В--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz