Maliyyə naziri Samir Şərifov martın 11-də “Pirşağı Çirkab Su Təmizləyici Qurğusu” layihəsinin tikintisi üçün 43,5 milyon ABŞ dolları həcmində kredit alınması barədə saziş imzalayıb. Koreya tərəfdən sənədi Koreya Respublikasının Azərbaycandakı səfiri Çoy Sukin imzalayıb.
Maliyyə Nazirliyinin məlumatında deyilir ki, krediti Koreyanın İxrac-İdxal Bankının İqtisadi İnkişaf üzrə Əməkdaşlıq Fondu ayırıb. Kredit ilk 10 ili güzəştli olmaqla 40 ilə, illik 0,2 faizlə ayrılıb.
Ümumi dəyəri 60 milyon dollar olan layihənin qalan hissəsini Azərbaycan tərəfi maliyyələşdirəcək
Layihə çərçivəsində qəsəbədə məhsuldarlığı sutkada 40 min kubmetr olan çirkab sutəmizləyici qurğu tikiləcək. Ən son texnologiya əsasında inşa olunacaq çirkab sutəmizləyici qurğuda təmizlənmiş sudan suvarma məqsədləri üçün istifadə olunacaq.
2011-ci ilin oktyabrında “Azərsu” və Koreya Beynəlxalq Əməkdaşlıq Agentliyi Kürdəxanı qəsəbəsində su təchizatı və kanalizasiya sisteminin yenidən qurulması üzrə saziş imzalayıb. Qrantın məbləği 26,18 milyon dollardır. Layihədə 2 ədəd su anbarı, nasos stansiyası, 24,8 kilometr uzunluğunda müxtəlif diametrli su, 24,8 kilometr uzunluğunda kanalizasiya xətti çəkilməsi nəzərdə tutulub. 08D
İqtisadiyyat
-
Elon Mask, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Maskı planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz