«Kredobank» ASC-də səhm yerləşdirilməsinin nəticələri qeydiyyata alınıb

Maliyyə Bazarlarına Nəzarət Palatası (https://goo.gl/UlqyEg) Kredobank” ASC-də səhm yerləşdirilməsinin nəticələrini qeydiyyata alıb.

Bankdan Turan-a verilən məlumata görə, səhmdarlar emissiya edilən nominalı 10 000 olan 3000 səhmdən 2266-nı alıb. Emissiyada 14 səhmdardan 9-u iştirak edib. Səhmdarlar sırasına daha bir xarici investor – Avstriyanın “Veno Investment GmbH” şirkəti daxil olub. O, yeni buraxılışdan 3,8% səhm əldə edib. 

Beləliklə, bu gün dövriyyədə “Kredobank” ASC-nin 7320 ədəd səhmi var. Bankın nizamnamə kapitalı 73,2 mln. manata çatıb.

Bu, bankın sonuncu kapital artımı deyil. Avqustun 15-də səhmdarlar nizamnamə kapitalını müzakirə etmək üçün növbədənkənar yığıncaq keçirəcək.

“Kredobank” ASC 1994-cü ildə yaradılan “Anar Bank” ASC-nin varisidir. Bank Vəkilovlar ailəsinin 6 üzvünə məxsusdur. Müşfiq Vəkilov 13% səhm sahibidir. Bundan başqa, Səhmdarlar sırasında Almaniyadan iki şirkət (“Buchholz Asset Management GmbH” və “West Europe İnvestment GmbH”, bir neçə yerli şirkət (“Karat A”, “Demirchi group”, “Kroun Plaza”,  “Aran  Company”  və “Diplomat Plaza”) var. 08B