Rusiya Suriya məsələsində Türkiyə ilə razılığa gələcəyinə ümid edir

Rusiya və Türkiyə arasında münasibətlərin normallaşması regionda ümumi duruma müsbət təsir göstərəcək və Suriya probleminin həllində Moskva və Ankara arasında əməkdaşlığa xidmət edəcək. Bu barədə RF XİN rəhbəri Sergey Lavrov bu gün Bakıda keçirilən mətbuat konfransında bildirib.

Türkiyə prezidentinin RF başçısına məktubundan və onların telefon söhbətindən sonra dialoq iyulun əvvəlində Soçidə xarici işlər nazirlərinin görüşündə davam edib.

Lavrovun sözlərinə görə, “bütün bunlar regionda ümumi duruma müsbət təsir göstərəcək. “Ümid edirəm ki, Suriya böhranının aradan qaldırılması üçün birgə yanaşmaların daha effektiv axtarışına yardım edəcək”, - nazir vurğulayıb.

Lavrov qeyd edib ki, onun Soçidə Çavuşoğlu ilə “açıq söhbəti” ümid etməyə imkan verir ki, türkiyəli tərəfdaşları ilə aralarında problem çox olmayacaq.

Onun fikrincə, bundan sonra Moskva və Ankara “BMT TŞ-nin və Suriyaya beynəlxalq dəstək qrupunun qərarlarının yerinə yetirilməsi üçün daha açıq razılaşmaya gəlməyə çalışacaqlar”.

Rusiya-Türkiyə münasibətləriin Rusiya və Bakı arasındakı əlaqələrə təsirinə gəlincə, Lavrovun sözlərinə görə,   bunlar “hər hansı konyunkturadan asılı deyil və Azərbaycan rəhbərliyi də ardıcıl olaraq belə yanaşma həyata keçirir”. 

“Heç zaman hansısa bir məqam Moskva və Bakı arasında mövcud strateji xarakterli münasibətlərə təsir göstərməyib. Sözsüz ki, regionda problem nə qədər az olarsa, bu, həm RF, həm də Azərbaycan üçün bir   o qədər yaxşıdır”, - o vurğulayıb.–06C--