Sergey Lavrov Rusiyanın Suriya ilə bağlı ABŞ-a iradları barədə

Rusiya ABŞ-ı Suriyanın müxalifətçi hərbi qrupunun “Cəbhat-ən-Nüsra”dan ayrılması və onun yerləşdiyi ərazini tərk etməsi üçün təsir göstərməyə çağırıb. Bu barədə bugünkü mətbuat konfransında RF XİN rəhbəri Sergey Lavrov iyulun 14-də  ABŞ dövlət katibi Con Kerri ilə olacaq görüşünün gündəliyini şərh edərkən bildirib.

“Biz istəyirik ki, hərbi hərəkətlərin dayandırılması rejimi BMT TŞ-nin qətnamələrində əksini tapan razılaşmalara tam uyğun olaraq yerinə yetirilsin, yəni rejim “İslam dövləti”, “Cəbhat ən-Nüsra” və BMT  TŞ-nin qərarlarında əksini tapan digər terrorçu təşkilatlara şamil edilmir.

Onun sözlərinə görə, bu razılaşmanın yerinə yetirilməsində problem ondadır ki, “Cəbhat ən-Hüsra” əsasən Aleppo ərazisinə uyğunlaşır, öz ətrafında müxtəlif adlar altında qruplar yaradır”. Bu əsasən “Ceyş əl-Fəth”dir ki, burada “ən-Nüsra” aparıcı rol oynayır.

“Biz amerikalılar ilə bu mövzuda çoxdan, yanvar ayından danışırıq. Onlar vəd etdilər ki, Vaşinqtonla əməkdaşlıq edən bütün dəstələr “Cəbhat ən-Nüsra”nın mövqelərindən çıxarılacaq. Lakin indiyədək bu olmayıb”, - Lavrov qeyd edib.

O həmçinin BMT baş katibinin Suriya üzrə xüsusi nümayəndəsi Staffan de Misturanı tənqid edib. Belə ki, o Suriyaarası danışıqların növbəti raundunun təşkilindən boyun qaçırır və bu məsələ ilə bağlı ABŞ və Rusiya arasında dialoqa əsaslanır.

Lavrov hesab edir ki, Amerika-Rusiya danışıqları Suriyaarası dialoqu əvəz edə bilməz. O həmçinin Əsədin  getməsilə bağlı Suriya müxalifətinin tələbini pisləyib.–06С-