Qiymətli Kağızlar üzrə Dövlət Komitəsi sentyabrın 3-də «8-ci km Ticarət Mərkəzi» ASC-nin səhm buraxılışını qeydiyyata alıb. Hökumət SC-i bərpa etməklə son 14 ildə üçüncü dəfədir Bakıda fəaliyyət göstərən 4 saylı bazarın hüquqi-təşkilati formasına yenidən baxır. Qiymətli Kağızlar üzrə Dövlət Komitəsi bu ilin iyul ayında «Ticarət Mərkəzi-4» MMC-nin hüquqi-təşkilatı formasını səhmdar cəmiyyətə dəyişib, bu zaman onun adı da dəyişdirilib. MMC 2008-ci ilin fevral ayında, eyni adlı SC məhkəmə qaydasında ləğv ediləndən sonra formalaşdırılıb. «Ticarət Mərkəzi-4» ASC 2000-2001-ci illərdə yaradılıb və 100% özəlləşdirilib. Bakı şəhəri Xətai rayon məhkəməsinin qərarında bu SC-nin səhmdarlarının ziyanının ödənilməsi məsələsinə aydınlıq gətirilməyib.
Bu qərardan dərhal sonra müəssisə yenidən dövlət mülkiyyətinə keçdi. Bəzi səhmdarlar Avropa İnsan Haqları Məhkəməsinə müraciət etdi. Ancaq hələlik bu işlə bağlı kommunikasiya yoxdur.
2000-ci ildə yaradılanda «Ticarət Mərkəzi-4» ASC-nin nizamnamə kapitalı (NK) 401 563 manat təşkil edirdi. «8-ci km Ticarəm Mərkəzi»nin NK-ı 1 mln 31 min 82 manat səviyyəsində müəyyənləşdirilib.
«Ticarət Mərkəzi-4» ASC-nin hansı üsulla özəlləşdiriləcəyi barədə məlumat verilmir. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz