Aprelin 1-i üçün ölkə iqtisadiyyatında muzdla çalışan işçilərin sayı 1 507 min nəfər olub. Hökumətin hər ay 10 min yeni iş yerinin açılması və işsiz sayının 5%-ə düşməsi barədə bəyanatlarına baxmayaraq, son 12 ayda muzdla çalışan işçilərin sayı 0,22% azalıb.
Dövlətstatkoma görə, yanvarın 1-i üçün Azərbaycanda 1 516,1 min muzdla çalışan işçi olub. Bu, aprelin 1-dəkindən 9,1 min nəfər çoxdur.
Maraqlıdır ki, Azərbaycanda muzdla çalışan işçilərin sayı sabit qalır: son iki ildə onların sayı 27,6 min artıb. Həmin rəsmi məlumata görə, bu dövrdə ölkə iqtisadiyyatında məşğul əhalinin sayı 144 min nəfər artıb.
Dövlət əsas işəgötürəndir: aprelin 1-i üçün dövlət müəssisələrində və büdcə təşkilatlarında 879,2 min nəfər çalışıb. Bu, ötən ilin aprelindəkindən 21,5 min və ya 2,4% azdır. Həmin dövrdə qeyri-dövlət bölməsində fəaliyyət göztərənlərin sayı 18,1 min və ya 1,03% artıb. Son 24 ayda özəl sektorda 44,8 min nəfər işə qəbul edilib. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz