Maliyyə Nazirliyi daşınmaz əmlakın icbari sığortası şəhadətnamə formasının layihəsini hazırlayıb
Bu il daşınmaz əmlakın icbari sığortası kütləvi olacaq. Bu, Maliyyə Nazirliyinin hazırladığı “Daşınmaz əmlakın icbari sığortası üzrə sığorta şəhadətnaməsinin forması, onun çap olunması və doldurulması Qaydaları”nda aşağıdakı dəyişikliklər sayəsində mümkün olacaq.
İcazələrin elektron informasiya portalının (http://www.icazeler.gov.az) məlumatına görə, İcbari Sığorta Bürosuna (ISB) şəhadətnamənin nömrə və seriyasının informasiya sisteminə daxil edilməsi üçün bir gün verilir. Sənəddə həmçinin digər növlərdə də şəhadətnamənin doldurulması və məlumatların yerləşdirilməsi qaydası müəyyən edilir. Bu növlər üzrə də nömrə və seriyasının Büronun informasiya sisteminə daxil edilməsi üçün bir gün verilir.
İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var. Dövlət Sığorta Nəzarəti Xidmətinin rəhbəri Namiq Xəlilovun proqnozuna görə, bu il üzv sayı 15-ə çatacaq.
Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək.
Büroya üzvlük haqqı 200 min manatdır. Hər növ üzrə ayrıca depozit ödənilir. Daşınmaz əmlak və onun sahiblərinin icbari sığortası üzrə bir dəfəlik depozit 100 min manat, AVSMMİS və sərnişinlərin icbari sığortası üzrə 200 min manatdır. --17D—
İqtisadiyyat
-
Azərbaycan Xüsusi Rabitə və İnformasiyanın Mühafizəsi üzrə Dövlət Xidməti çərşənbə günü bildirib ki, cinayətkarlar şəxsi məlumatlara, maliyyə resurslarına və həssas dövlət informasiya sistemlərinə daxil olmaq üçün daha mürəkkəb üsullardan istifadə etməklə dövlət qurumlarına və vətəndaşlara qarşı kiberhücumların sayı son aylarda kəskin şəkildə artıb.
-
Azərbaycаn və Braziliya kənd təsərrüfatı sektorunda investisiyaların artmasını və qarşılıqlı ticarətin inkişafını təşviq etmək məqsədilə əməkdaşlıq Memorandumu (MoU) imzaladı, bildirdi Azərbaycаnın Kənd Təsərrüfatı naziri Məcnun Məmmədov sosial şəbəkələrdə.
-
Asiya İnkişaf Bankı (ADB) Azərbaycanın Şimal-Cənub Dəhlizinin vacib bir hissəsinin təkmilləşdirilməsi məqsədilə 131.5 milyon ABŞ dolları məbləğində kredit təsdiq edib. Bu, regional əlaqələri gücləndirməyə və Azərbaycanı Avropa ilə Asiya arasında əsas nəqliyyat mərkəzi kimi strateji mövqeyini möhkəmləndirməyə yönəlib. Layihənin ümumi dəyəri 160.5 milyon ABŞ dolları təşkil edir, bu məbləğin 29 milyon ABŞ dolları Azərbaycan hökuməti tərəfindən qarşılanacaq.
-
Bu gün Türk Dövlətləri Təşkilatının (TDT) üzv və müşahidəçi dövlətlərinin energetika nazirlərinin IV görüşü başa çatdı və enerji sahəsində əməkdaşlığı gücləndirməyə yönəlmiş birgə komünike imzalandı. Razılaşmada, enerji təhlükəsizliyi və dayanıqlı inkişaf sahəsində regional səylərin daha effektiv əlaqələndirilməsi üçün TDT Enerji Koordinasiya Komitəsinin yaradılması kimi əsas təşəbbüslərə diqqət yetirilir.
Rəy yaz