![Maliyyə Nazirliyinin dövlət büdcəsinin icrası ilə bağlı operativ hesabatı](https://turan.az/resized/750/500/resize/media/2016/main/040700152029.jpg)
Maliyyə Nazirliyinin dövlət büdcəsinin icrası ilə bağlı operativ hesabatı
Maliyyə Nazirliyi I rübdə dövlət büdcəsinin icrası ilə bağlı operativ hesabat yayıb.
Bu ilin yanvar-martında Azərbaycanın dövlət büdcəsinin gəlirləri 3 mlrd 678,1 mln manat (proqnoza 103% əməl edilib), xərclər 2 mlrd 623,5 mln manat (73,3%) təşkil edib.
Dövlət Neft Fondundan transfertlər 1 mlrd 660 mln manat olub. Dövlət büdcəsinin gəlirlərinin strukturunda Vergilər Nazirliyinin xətti ilə mədaxil 1 mlrd 542 mln manat (101,4%), o cümlədən neft sektorunda 331,3 mln manat olub. Gömrük Komitəsinin xətti ilə büdcəyə 416,9 mln manat (proqnoza 114,8% əməl edilib) daxil olub.
Sosial ehtiyaclara xərclər 1 mlrd 426,7 mln manat təşkil edib. Dövlət infrastruktur layihələrinə 153,4 mln, sosial obyektlərin tikintisinə 16 mln manat, Naxçıvandakı obyektlərə 4,8 mln manat ayrılıb.
Dövlət büdcəsinin profisiti 1 mlrd 54,6 mln manat olub. Praktika göstərir ki, III rübdən profisit kəsirlə əvəzlənir.
Bu ilin dövlət büdcəsinin gəlirləri 16 mlrd 822 mln manat, xərcləri 18 mlrd 495 mln manat, kəsir 1 mlrd 673 mln manat və ya ÜDM-in 2,9%-i qədər müəyyən edilib. --17D—
-
- İqtisadiyyat
- 7 Aprel 2016 10:32
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz