![Maliyyə Nazirliyinin icbari sığorta mükafatları üzrə hesabatında boşluqlar azalır](https://turan.az/resized/./turan-750-500-resize.webp)
- İqtisadiyyat
- 30 Dekabr 2013, 12:31
- 158
Maliyyə Nazirliyinin icbari sığorta mükafatları üzrə hesabatında boşluqlar azalır
Maliyyə Nazirliyinin Dövlət Sığorta Nəzarəti Xidmətinin mükafat və ödənişlər barədə hesabatında boşluqlar doldurulur. Yanvarın 1-dən dövlət büdcəsi hesabına diplomatik nümayəndəliklərin icbari sığortası üzrə mükafat toplanacaq. Yalnız 2012-ci ildə xaricdəki bir səfirliyin əməkdaşları özlərini 7 minə sığortalayıb, ödənişlər isə 4,4 min manat olub.
Bu günlərdə Nazirlər Kabinetinin qərarı ilə (http://www.cabmin.gov.az/?/az/pressreliz/view/1192) “Diplomatik xidmət əməkdaşlarına təminat və kompensasiyaların verilməsi Qaydaları”nda dəyişikliklər edilməsi barədə qərar açıqlanıb. Sənədə əsasən, diplomatik nümayəndəliklərin balansında olan binalar və əmlak yanğın, partlayış, təbii fəlakət, oğurluq, soyğunçuluq, həmçinin istilik sistemi, su kəməri və kanalizasiya şəbəkəsində baş vermiş qəza, o cümlədən nəqliyyat vasitələri yol-nəqliyyat hadisəsi, yanğın, partlayış, oğurluq və oğurluğa cəhd risklərindən sığortalanır.
Diplomatik nümayəndəliklərin rəhbərləri qeyd olunan risklərin sığortası, həmçinin nümayəndəliyin yerləşdiyi ölkənin qanunvericiliyinə əsasən müvafiq icbari sığorta növləri üzrə sığorta müqavilələrinin bağlanılmasının təmin edilməsinə görə şəxsən məsuliyyət daşıyırlar. Sığorta müqaviləsi Azərbaycan Respublikasının Xarici İşlər Nazirliyi və Azərbaycan Respublikasının Maliyyə Nazirliyi ilə razılaşdırıldıqdan sonra imzalanır. Demək, 2014-cü ildə bazara daha bir neçə milyon manat gələcək.
Xatırladaq ki, Maliyyə Nazirliyinin forma 11-də bir neçə boş yer var – dövlət qulluqçularının icbari sığortası, icbari ekoloji sığorta, tibb işçilərinin QİÇS-dən icbari sığortası. Ekologiya üzrə cüzi yığım olub, başqa iki növ üzrə hələ mexanizm yoxdur. Könüllü növlər üzrə də boş növlər var. --17D—
-
- Cəmiyyət
- 30 Dekabr 2013 12:27
-
- İqtisadiyyat
- 30 Dekabr 2013 14:08
İqtisadiyyat
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
Rəy yaz