Manat kütləsi oktyabrda faiz yarım artıb

2013-cü ilin oktyabrında pul kütləsinin həcmi 208,2 mln manat və ya 1,41% artaraq 15017,8 mln manat olub. Son 12 ayda iqtisadiyyatda manat vəsaitlərinin həcmi 2454,2 mln manat və ya 19,5% artıb. 

AMB-nin məlumatına əsasən, bank sistemindən kənarda nağd pul həcmi 164,4 mln manat və ya 1,7% artaraq 9724,4 mln manat olub. Nağdsız manat həcmi 43,8 mln manat və ya 0,8% artaraq 5293,4 mln manat təşkil edib. Manat pul kütləsi strukturunda sonuncuların xüsusi çəkisi 35,2%-dək azalıb.

Hesabat dövründə geniş pul kütləsi göstəricisi 253,8 mln manat və ya 1,44%, il ərzində 2260,8 mln və ya 14,5% artaraq 17867,4 mln manat təşkil edib. 

Bank sistemində xarici valyuta kütləsinin həcmi oktyabrda 45,6 mln manat və ya 1,6% artaraq 2849,6 mln manat ekvivalenti təşkil edib. İl ərzində xarici pul kütləsi 6,4% azalıb. Ümumi pul kütləsində manat resurslarının payı 84,1% olub. Bu, 2012-ci ilin 1 noyabr göstəricisindən 3,6% çoxdur.

Pul bazasının ümumi həcmi oktyabrda 1,2%, il ərzində 15,6% artaraq 10823,2 mln manat olub. Hesabat dövründə manat pul bazası 1,1% artaraq 10732,2 mln manata çatıb. --15В--