Manat resurslarının xüsusi çəkisi il ərzində 3 faiz artıb

2013-cü ilin avqustunda pul kütləsinin həcmi а 226,8 mln manat və ya 1,5% artaraq 14731,2 mln manat olub. Son 12 ayda iqtisadiyyatda manat vəsaitlərinin həcmi 2512,9 mln manat və ya 20,7% artıb.

AMB-nin məlumatına əsasən, bank sistemindən kənarda nağd pul həcmi avqustda 61,8 mln manat və ya 0,7% artaraq 9516,9 mln manat olub. Nağdsız manat həcmi 165,1 mln manat və ya 3,3% azalaraq 5214,4 mln manat təşkil edib. Manat pul kütləsi strukturunda sonuncuların xüsusi çəkisi 35,4%-dək artıb.

Hesabat dövründə geniş pul kütləsi göstəricisi 6,5 mln manat, il ərzində 2439,3 mln və ya 16,3% artaraq 17442,3 mln manat təşkil edib.

Bank sistemində xarici valyuta kütləsinin həcmi avqustda 220,2 mln manat və ya 7,5% azalaraq 2711,1 mln manat ekvivalenti təşkil edib. İl ərzində xarici pul kütləsi 2,6% azalıb. Ümumi pul kütləsində manat resurslarının payı 84,4% olub. Bu, Bu, 2012-ci ilin 1 sentyabr göstəricisindən 3% çoxdur. 

Pul bazasının ümumi həcmi avqustda 1,5%, il ərzində 16,2% artaraq 10688,8 mln manat olub. Hesabat dövründə manat pul bazası 189,2 mln manat və ya 1,8% artaraq 10616,8 mln manata çatıb. --15В