İqtisadiyyat və Sənaye Nazirliyi və Yaponiyanın “Marubeni Corporation” şirkəti aprelin 22-də dəmir filizinin hasilatından polad istehsalına qədər bütün mərhələləri əhatə edəcək polad istehsalı kompleksinin yaradılması ilə bağlı məsləhət xidməti göstərilməsinə dair müqavilə imzalayıb.
Bu gün Azərbaycan prezidentinin “Azərbaycan Polad İstehsalı Kompleksi” yaradılması ilə bağlı fərman imzalamasından bir il keçir. Hələlik kommersiya hüquqi şəxslərin dövlət reyestrində onun qeydiyyatı barədə məlumat yoxdur. Bu yaxınlarda dövlət başçısı bu şirkətin İH sədrini təyin edib.
İSN-in mətbuat xidmətinin məlumatına əsasən, Sənədə uyğun olaraq, “Marubeni Corporation” bu sahədə Azərbaycanda xammal bazasını araşdıracaq. Dövlətstatkoma görə, Daşkəsən Filizsaflaşdırma Kombinatında bu ilin 3 ayında 39,3 min ton filiz çıxarılıb. Bu, ötən ilin eyni dövründəkindən 23,5% azdır.
“Marubeni Corporation” dəmir filizi hasilatı və polad istehsalında müasir texnologiyaların tətbiqi, istehsal oluna biləcək məhsulların çeşidi barədə təkliflər verəcək. Yerli və perspektivli hesab olunan digər bazarları təhlil etmək də planlaşdırılır.
Sazişin qiyməti və müddəti barədə məlumat verilmir. 08D
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz