«Baş dövlət layihə» və «Azərmemarlıq layihə» layihə institutları Masallı şəhərinin yeni baş planının işlənib hazırlanmasına başlayıb. Şəhərin hazırkı baş planı 3 il əvvəl təsdiqlənib.
Ölkənin cənubunda, Bakıdan 232 km aralıda yerləşən Masallı şəhəri sürətlə inkişaf edən regionlardandır. Sənayenin əsas sahəsi mebel istehsalıdır. 2011-ci ildə hökumət 2007-ci ildə 20 il müddətinə hazırlanan şəhərin əsas şəhər salma sənədini təsdiqləyib.
Dövlət Şəhərsalma və Memarlıq Komitəsinin (DŞMK) məlumatına görə, 2027-ci ilə qədər Masallı şəhərinin ərazisini 848 hektardan 1400 hektara qədər genişləndirilməsi planlaşdırılırdı, əhalinin isə 22,3 min nəfərdən 40 min nəfərə qədər artacağı ehtimal edilir. Bu halda şəhərin mənzil fondu üç dəfədən də çox artaraq 720 min kvadrat metrə çatacaq.
DŞMK yeni baş plana belə tələsik ehtiyacın yaranmasını şərh etməyiblər. Yeni baş planın işlənib hazırlanması üçün 2014-cü il dövlət büdcəsindən 118 min manat ayırılıb.
Hazırda 28 şəhərin baş planı mövcuddur, 9 şəhərin şəhərsalma planı işlənmə mərhələsindədir. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz