«Mastercard» və Azərbaycanın aparıcı otelləri yeni kampaniyaya başlayıb

Qlobal ödəniş texnologiyaları təchizatçısıolan “Mastercard” şirkəti Azərbaycanın aparıcı otelləri ilə birlikdə yeni kampaniyaya start verib.

Kampaniya çərçivəsində bankdan asılı olmayaraq, bütün “Mastercard” və “Maestro” kart sahiblərinə xüsusi hazırlanmış promokodlardan istifadə etməklə seçilmiş otellərdə onlayn və ya qeydiyyat masasında sifariş zamanı eksklüziv endirimlər təklif edilir. Bu barədə “Mastercard” şirkətinin Azərbaycan nümayəndəliyi bu gün məlumat yayıb.

Kampaniyanın şərtlərinə əsasən, kart sahibləri “Flame Towers Fairmont Otel Baku”da otaq sifarişi zamanı 25%, Qəbələdə yerləşən “Chenot Palace Health Wellness” otelində otaq sifarişi zamanı 20%, eləcə də oteldə müalicə prosedurlarına 20%, “Chenot” məhsullarına və Tibbi şöbənin xidmətlərinə 10% güzəşt əldə edir.

Bundan başqa, “JW Marriott Absheron Baku” otelində otaq sifarişi zamanı 15%, “Boulevard Otel Baku” və “Intourist Otel Baku”da otaq sifarişinə və iaşə obyektlərində yemək və içki sifariş etdikdə 15% dəyərində endirim təklif olunacaq.

“Hazırda icra olunan “Nağdsız Azərbaycan” strategiyamız çərçivəsində kart sahiblərimizi eksklüziv təkliflərlə sevindirməyi davam edirik. Biz müştərilərimizin təcrübələrini daha səmərəli və faydalı etmək üçün Azərbaycanın aparıcı otelləri ilə əməkdaşlıq etməkdən qürur duyuruq”, - deyə “Mastercard” şirkətinin Azərbaycan üzrə meneceri Alper Meriç bildirib.

Kampaniya (https://goo.gl/T6cNDG) bu ilin martın 31-dək bütün “Mastercard” kredit və debet və ya “Maestro” debet kart istifadəçiləri üçün keçərlidir. 08D