Azərbaycanda fəaliyyət göstərən bankların ümumi gəlirləri 2013-ci ilin yanvar-mayında 15,256 mlrd manat olub. Bu, ötən ilin eyni dövrü ilə müqayisədə 26% çoxdur.
Daha çox mədaxili xarici valyuta satışı təmin edib – 32,6%. Mal satışı 17,1%, kreditlər üzrə mədaxil 8,7%, depozit hesabına mədaxil 5,3%, bankomatlar vasitəsilə mədaxil 4,8%, əmlak alan zaman notarial hesablara mədaxil 4,5%, xidmət və iş üzrə mədaxil 4,1% və s.
Mərkəzi Bankın məlumatına görə, kassa dövriyyəsinin profisiti 186 mln manat (mayda -130 mln manat). Beləliklə, nağd vəsait xərcləri 15,070 mlrd manat olub. Bu, 2012-ci ilin göstəricisindən 21,1% çoxdur. Ümumi xərclərdən 27,9% mal və xidmət xərcləri, 25,4% bankomatların pulla təchizatı ilə bağlı xərclər, 11,3% xarici valyuta alışı xərcləri, 7,4% kreditlər üzrə ödəniş, 5,8% əmlak əqdləri üzrə notarial hesablardan xərclər, 3,6% depozit hesabından ödənişlər və s. olub.
Beş ayda kassa qalığı 356 mln manat olub. Bu, nağd mədaxilin 2,3%-dir.
Günlük nağd pul mədaxilinin orta həcmi 101,030 mln manat, xərclərin orta həcmi 99,807 mln manat olub. --15B--
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz