MDM 2013-2015-ci illər üçün strateji plan müəyyən edib

Milli Depozit Mərkəzinin ümumi yığıncağı 2013-2015-ci illər üzrə strateji planını müzakirə edib. İclas zamanı gələcək 3 il üçün MDM-in strateji baxışı və missiyası müəyyən edilib. 

MDM-in inkişafı "Milli Depozit Sistemi haqqında" Əsasnaməyə və “2011-2020-ci illərdə Azərbaycan Respublikasında qiymətli kağızlar bazarının inkişafı” Dövlət Proqramına əsaslanaraq onu ikipilləli səviyyədə mərkəzləşdirilmiş post-ticarət təşkilatına çevirəcək.  

Dövlət Proqramı qiymətli kağızlar bazarının inkişaf etdirilməsinə dair digər məsələlərlə yanaşı, depozitar-uçot sisteminin, o cümlədən qiymətli kağızlar və onlar üzərində hüquqların qeydiyyatı mexanizmlərinin təkmilləşdirilməsini nəzərdə tutur. Nəticədə depozitar-uçot sisteminin strukturu yenilənməli və ölkədə emissiya edilən bütün investisiya qiymətli kağızlarının mərkəzi depozitar sistemi yaradılmalı, qiymətli kağızlar və onlar üzərində hüquqların qeydiyyatı sistemi sadələşdirilməlidir.

Yeni qaydalarla fəaliyyət göstərən bazar infrastrukturu beynəlxalq kapital bazarlarına çıxış imkanları yaradacaq və maliyyə inteqrasiyasının genişləndirilməsini təmin edəcək.

Azərbaycanda 2 mindən çox şirkətin investisiya qiymətli kağızlarının emissiyası qeydiyyata alınıb.Onların çoxu dövlət müəssisələrinin özəlləşdirilməsi yolu ilə yaradılan ASC-lərdir. MDM 99 emitentə xidmət edir. 200-ə yaxın emitent qiymətli kağızların saxlanmasından yayınır. 

MDM xidmət etdiyi şirkətlərin siyahısını və 100-dən çox səhmdarı olan SC-ləri açıqlamır. Depozitar həmçinin depo-hesabı olan 100 min nəfərə, nə də xidmət etdiyi emitentlərə elektron xidmət göstərmir. --08D—

 

Rəy yaz

İqtisadiyyat

İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda



Bizi sosial şəbəkələrdə izləyin

Xəbər lenti