Mədəniyyət Nazirliyinin obyektlərinin əsaslı təmiri üzrə vəsait ayrılıb

Ötən ilin sonlarında Nazirlər Kabineti  dövlət əsaslı tikinti obyektlərinin maliyyələşdirilməsinə yenidən baxıb. Bu dəfə Mədəniyyət və Turizm Nazirliyinin obyektlərinin inşası və əsaslı təmirinin maliyyələşdirilməsinə  dövlət büdcəsindən 4,64 mln. manat ayrılıb. 

Hökumətin 11 dekabr tarixli qərarına əsasən (2013-cü il yanvar 15-də rəsmi informasiya resurslarında açıqlanıb) Bakı şəhərində iki obyekt üzrə maliyyələşdirmə azalıb. 2011-ci ildə yenidənqurmadan sonra istismara verilmiş  “Nizami” Kino Mərkəzinin maliyyələşdirilməsi 3 mln.-dan 2 mln. manatadək azalıb. 

Beləliklə, 2007-2012-ci illərdə kinoteatrın binasının təmiri dövlətə  

42,4 mln. manata başa gəlib. 

2012-ci ildə Bakı Dövlət Musiqili Komediya Teatrının bərpasına dövlət büdcəsindən 24,7 mln. manat ayrılıb. Hökumətin son qərarı ilə bu obyektin maliyyələşdirilməsi 3,3 mln. manata endirilib. Qeyd edək ki, 2000-ci ilin əvvəlində əsaslı təmirdən sonra istismara verilmiş teatr binası 2011-ci ildən yenidən təmir olunur.  2011-ci ildə bu məqsədlə  

15,3 mln. manat ayrılıb. 

Bakının Sahil qəsəbəsində iki musiqi və incəsənət məktəbinin əsaslı təmirinin maliyyələşdirilməsi 340 min manat azaldılıb. Obyektlərin hər biri üzrə 1 mln. manatın xərclənməsi nəzərdə tutulurdu.

Yerdə qalan vəsaitin hesabına Qəbələ rayonunda Mədəniyyət Evinin inşası davam etdiriləcək (1 950 min manat).  2011-12-ci illərdə həmin Mədəniyyət Nazirliyi həmin məqsədlə 5,3 mln. manat alıb.

Sabirabad rayonunda Mədəniyyət Evinin binasının əsaslı təmiri üçün Mədəniyyət Nazirliyi 1,5 mln. manat alıb. Halbuki, bina 2008-2010-cu illərdə təmir olunub və 500 min manat büdcə vəsaiti sərf olunub.

Nazirlər Kabineti Bakıda iki musiqi məktəbinin əsaslı təmirinə və avadanlıqla təchizatına, incəsənət məktəbinin akt zalının inşasına vəsaitin ayrılması barədə sərəncam verib.  Bu məqsədlə 1 mln. manata yaxın vəsait ayrılıb. 08D