Bu ilin birinci rübündə Azərbaycanda mənzillər orta hesabla 10% baha qiymətə təklif olunmağa başlayıb. Bu tendensiya cari il fevralın 21-dən manatın məzənnəsinin kəskin şəkildə enməsi ilə bağlıdır. Bundan sonra daşınmaz əmlak bazarında qiymət artımı gözlənilib.
Dövlət Statıstika Komitəsinin hesablamalaına görə, ilkin mənzil bazarında qiymətlər illik hesablamada 12,7%, təkrar mənzil bazarında 10% artıb. Birinci rübdə yeni mənzillər 4,8% baha, köhnə mənzillər 3,5% baha qiymətə təklif olunur.
Ekspertlər hesab edirlər ki, daşınmaz əmlak bazarının bu reaksiyası təbiidir. Eyni zamanda onların fikrincə, əgər milli valyuta alıcılıq qabiliyyətini itirməkdə davam edərsə əhalinin gəlirləri azalacaq və bu da daşınmaz əmlak bazarında fəallığa təsir göstərəcək ki, bununla da qiymətlər yenidən enməyə başlayacaq.
Rieltorların sözlərinə görə, qiymətlər qalxdıqdan sonra hələlik sabitləşib.
2014-cü ildə Azərbaycanda ilkin və təkrar mənzil bazarında 98 min obyekt üzrə hüquqları qeydə alınıb. Bunun 47 mindən çoxu Bakı şəhərinin payına düşür. 08D
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz