Azərbaycanda qiymətli kağızların alqı-satqısı üzrə yeni müvəqqəti ödəniş sisteminə keçid planlaşdırılır. Əqdlər üzrə hesablaşmalar birjada sənədləşəndən sonra növbəti gün həyata keçiriləcək.
Yeni klirinq sisteminə keçid bu ilin ikinci yarısında olacaq, deyə «Milli depozit Mərkəzi» QSC məlumat verir. 2013-cü ilin 2-ci yarısından qiymətli kağızlar üzrə klirinq əməliyyatları MDM vasitəsilə həyata keçirilir. Mövcud sistem yalnız ödəniş həyata keçiriləndən sonra qiymətli kağızlarla təminata imkan verir. Hazırkı sistem isə QK bazarı iştirakçılarına bir gün sonra hesablaşma imkanı yaradır. Bu, birjada ilkin və təkrar yerləşdirmə yolu ilə bağlanan korporativ QK-ın birja əqdləri ilə mümkün olacaq. Dövlət QK ilə əməliyyatlar üzrə hesablaşmalar real vaxt rejimində olacaq.
MDM-də hesab edirlər ki, yeni sistem bazarın dərinləşməsi prosesini stimullaşdıracaq.
Bu ilin 4 ayında MDM-də 35,2 mln manat məbləğində 1742 birja əqdi, 239 birjadankənar əqd (9 942 min manat) və 657 korporativ QK-ın ilkin yerləşdirməsi əqdi (2 153,6 mln manat) qeydiyyata alınıb. 08D
İqtisadiyyat
-
Azərbaycan Dövlət Neft Şirkəti (ARDNŞ) və İtaliyanın Eni SpA şirkəti arasında enerji keçidinə dair Anlaşma Memorandumu imzalanıb. Bu barədə Azərbaycanın İqtisadiyyat naziri Mikayıl Cabbarov “X” sosial şəbəkəsindəki hesabında məlumat verib.
-
Azərbaycanın iqtisadiyyat naziri Mikayıl Cabbarov iyulun 29-da Türkiyənin “Kibar Holding” konqlomeratının sədri Ali Kibar ilə görüşüb. Görüş zamanı ikitərəfli əməkdaşlığın gücləndirilməsi, sənaye istehsalına investisiyaların artırılması və enerji sektorunda tərəfdaşlıqların dəstəklənməsi məsələləri müzakirə edilib.
-
Azərbaycan Respublikasının Nazirlər Kabineti Rəqabət Məcəlləsinin 30.1-ci maddəsində göstərilən ərizə formasını təsdiq edib. Bu qərar Azərbaycan Respublikası Prezidentinin 2023-cü il 2 dekabr tarixli 1051-VIQ nömrəli Fərmanına uyğunlaşdırılması və Rəqabət Məcəlləsinin tətbiqi ilə bağlı normativ tələblərin həllinə yönəlib.
-
Azərbaycan Prezidenti İlham Əliyev 2025-ci ilin yanvar ayından qüvvəyə minəcək Azərbaycan Respublikasının Torpaq Məcəlləsində dəyişiklik edilməsi haqqında fərman imzalayıb. Qanunvericilikdə edilən dəyişikliklər kənd təsərrüfatı torpaqlarının idarə edilməsi və istifadəsinin təkmilləşdirilməsinə, habelə tənzimləmə proseslərinin təkmilləşdirilməsinə yönəlib.
Rəy yaz