2013-cü ildə “Synergy Group” (28 şirkət) şirkətlər qrupunun ziyanı 20 mln manat olub. Yanvarın əvvəli üçün isə 33,1 mln manatı keçir, deyə PricewaterhouseCoopers Audit Azerbaijan şirkətinin müsbət auditor rəyini alan maliyyə hesabatında bildirilir.
“Synergy Group” ASC-nin baş müəssisəsinin 15 mln səhmdar kapitalı var. 2013-cü ildə ziyanı 13 mln 288,7 min manat olub. “Synergy Group” ASC-nin səhmdarlarının nəzarət hüququ olmayan şirkətlərdə ziyan 6 mln 685 min manat təşkil edib. İl ərzində ziyan iki dəfə artıb. “Synergy Group” ASC özünü investisiya şirkəti kimi təqdim edir.
Ötən il onun satış və xidmətdən gəlirləri 15 mln 571,4 min manat olub. Bu, əvvəlki ildəkindən 57,4% çoxdur. Əldə edilən mədaxilin maya dəyəri 13 273 min manat (+62,5%) olub. 2013-cü ildə inzibati və başqa əməliyyat xərcləri 2 dəfədən çox artaraq 23 mln 180 min manat olub.
“Synergy Group” ASC qrupunun bəzi üzvləri mənfəətlə işləyib. 2013-cü ilin yekununda holdinqin bu şirkətlər üzrə mənfəəti 1 mln 362 min manat olub. Mənfəət vergisi xərcləri il ərzində 300 min manat artaraq 444 min manat təşkil edib.
2014-cü il yanvarın 1-i üçün holdinqin aktivləri 60,4% artaraq 132,6 mln manata çatıb, deyə hesabatda bildirilir.
“Synergy Group” ASC nominal olaraq Azərbaycan vətəndaşı Əşrəf Kamil oğlu Kamilova məxsusdur. O, formal olaraq “Akkord” və bir sıra az tanınan şirkətlərə nəzarət edir. Kamilov “AtaHolding” ASC Müşahidə Şurasının sədridir. Holdinqin səhmdarları “Synergy Group” ASC-də 132,6 mln manat kapitala malikdir. Bu il holdinq nizamnamə kapitalını 50 mln manata kimi artırmağa başlayıb.
Qrup 2010-cu ildə yaradılıb və Azərbaycanda ən iri investisiya holdinqlərindən biridir. O, tikinti və tikinti materialları, mehmanxana biznesi, İKT, sənaye və kənd təsərrüfatı sahələrində fəaliyyət göstərir. Ümumi işçi sayı 1500 nəfərdir.
“Synergy Group” ASC-yə “Caspian Sea Resort Hotel”, "Excelsior Hotel Shamkir", “AAC”, “Bestpack”, “Renaissance Construction Azerbaycan”, “Cybernet”,
“Caspian Coast Winery & Vineyards”, “Azaqro”, «Azərbaycan» Universiteti və s daxildir. 08B
İqtisadiyyat
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
Rəy yaz