Bu ilin yanvarında metallurgiya sənayesində istehsal həcmi 17,3 mln manat olub. Bu, ötən ilin eyni dövründəkindən 38,7% azdır. Tikinti sektoruna investisiyaların azalması, görünür, öncə bu sahəyə zərbə vurub.
Dövlətstatkoma görə, yanvarda polad əridilməsi iki dəfə azalaraq 17,7 min ton olub. 19,3 min ton tikinti armaturu istehsal edilib ki, bu da ötən ilin eyni dövründəkindən 30,1% azdır. Anbarlarda isə 26,4 min ton hazır məhsul yığılıb. Həmçinin 1 666,8 ton polad boru istehsal edilib. Bu, bir il öncəkindən üçdə bir azdır. Alüminium və mis çubuqlar, millər, kabel və profillərin istehsalı 46,4% və 82,4% azalıb. Sumqayıt mis tullantısı emalı zavodu fəaliyyətini dayandırdığını elan edib.
Xammal azlığından “Baku Steel Company” MMC-nin də fəaliyyəti dayandırılıb.
İstisna olunmur ki, metallurgiya sənayesi məhsulları istehsalının bir hissəsi qeyri-leqaldır. Məsələn, №1 Sumqayıt İES-in ərazisində ötən ildən “Azenco” poladəritmə və armatur istehsalı zavodu fəaliyyət göstərir. Mümkündür ki, bu müəssisənin istehsal göstəriciləri statistikada əksini tapmır. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz