Mətbuat-Monitorinq 19.08.15

Rəsmi qəzetlər ölkə həyatını rəsmi Bakının mövqeyindən şərh edən yazılara üstünlük veriblər.

Bundan əlavə, qəzet Milli Şuranın Leyla və Arif Yunusların həbsini pisləməsini 

“Milli Şuranın erməni təəssübkeşliyi” kimi dəyərləndirir.

“Xalq qəzeti” isə Lleyla və Arif Yunusları “vətənə xəyanət”də ittiham edərək bu şəxslərin həbslərinin “siyasiləşdirilməsi” cəhdlərinin iflasa uğrayacağı haqda yazı verib.

Bundan əlavə, xaricdə mühacirətdə olan AXCP sdri Əli Kərimlinin əmisioğlu İnqilab Kərimovun İŞİD-i tərifləməsini digər əmisioğlu Nuhəli Kərimov Ə.Kərimlinin adına bağlayaraq “Əli Kərimlinin beynəlxalq terror təşkilatını Azərbaycana çağırmaq istəyi nəslimizin adına ləkədir” sərlövhəli məqalə dərc edib.

“Azadlıq”  komitə sədri Kərəm Həsənovla Cəlilabad Rayon İcra Hakimiyyəti başçısının birinci müavini Asif Əzizovun arasında dava düşdüyünü və sonuncunun vəzifəsindən azad edildiyini manjetə çıxarıb.

Qəzet ölkənin ictimai-siyasi həyatına dair xəbərlərə geniş yer verir. “The Washington Post” qəzetində Azərbaycan hakimiyyətinin müntəzəm tənqid olunması ilə bağlı rəsmi Bakının Ağ Evə narazılıqlarına “eurasianet.org” saytında məqalə ilə çıxış edən Giorgi Lomsadze “kiminsə rəsmi Bakıya “The Washington Post” qəzetinin “Pravda” qəzeti olmadığını başa salması” ironiyasını ifadə edir.

Jurnalist Rasim Əliyevin qətlində adı hallanan futbolçu Cavid Hüseynovun zaminə buraxılması ilə bağlı bir qrup media təmsilçisinin dövlət başçısına müraciət ünvanlaması jurnalistin valideynlərinin ciddi narahatlığı və narazılığna səbəb olub. 

Qəzet Kremlin Azərbaycanda yeni RLS tikmək açıqlamalarına hökumətə yaxın mətbuatın səssiz qalmasına “lal, kar, kor vətənpərvərlər” mövqeyini ifadə edir.

Politoloq Hikmət Hacızadəyə görə, Xəzərin statusu məsələsində Rusiya və İranın vahid mövqedən çıxış etmələri Azərbaycanın maraqlarına uyğun deyil. 

Ekspertlərin proqnozlarına görə, gələn ilin dövlət büdcəsi builki büdcə ilə müqayisədə 40%-ə qədər azalacaq.

“Ekspress”  Təhsil Nazirlyinin yuxarı siniflərdə dərslərin saat 8:00-da, ibtidai siniflərdə isə 50 qəqiqə gec başlaması təklifini önə çəkib.

Qəzet neftin icizlaşmasının, manatın devalvasiyasının, Rusiyadakı böhranın Azərbaycanda mənzilləri ucuzlaşdırdığını qeyd edir.

“Exo”  birinci sinifə gedəcək şagirdlərin məktəb hazırlıqlarının valideynlərə 250-300 manata başa gələcəyi iddiasını ön plana çıxarıb.

“Bizim yol” Azərbaycanda böyük bahalaşmanın gözlənilldiyi iddiasını önə çəkərək  ekspertlərin “həm biznes, həm də istehlakçılar yeni inflyasiyaya hazır olmalıdır” xəbərdarlığını ilk səhifəyə yerləşdirir.

Qəzet ali məktəblərin çoxunun tələbələri yataqxana ilə təmin edə bilməməsinə, Bakıda kirayə mənzillərin baha olmasına “neftin ucuzlaşması tələbələri yataqxanasız qoyub” şərhini verir.

Hüquq müdafiəçiləri Leyla və Arif Yunusların barəsində məhkəmə qərarına Almaniyadakı bəzi dairələrin etirazını oradakı Azərbaycan səfirliyi nə üçünsə “bəzi dairələrin hökmü siyasiləşdirməyə cəhd etməsi” kimi dəyərləndirir.

“Yeni Müsavat”  bu ilin mayında Binəqədi rayonunda kütləvi ölümlə müşayiət edilən yanğına görə rayon icra başçısının həbsilə bağlı xüsusi qrupun yaradılmasını, amma sonradan qərarın dəyişdirilməsini ilk səhifəyə çıxarıb.  

Qəzet komitə sədri Kərəm Həsənovun təhqir etdiyi və vəzifəsindən qovdurduğu Cəlilabad rayon icra başçısının birinci müavini Asif Əzizovun əlində ona qarşı kompromatlar olmasından təlaşa düşməsi iddiasını nəzərə çatdırır.

Vəkil Aslan İsmayılov AZAL prezidenti Cahangir Əsgərovu ölkə vətəndaşlarına baha qiymətə bilet satmaq, pulları ölkədə qazansa da biznesini xaricdə qurması kimi ittihamlara məruz qoyub.