MilliKart və AXA MBASK əməkdaşlığı nəticəsində Azərbaycan sığorta sektorunda ilk, vahid və inteqrasiya olunmuş ödəmə sistemi tətbiq olunub.
Bu sistemin MilliKart tərəfindən indiyə qədər təklif edilən e-commerce həllərindən fərqi budur ki, bütün AXA MBASK agentləri onlayn rejimdə işlədikləri sistemin üzərindən hər hansı sığorta şəhadətnaməsini hazırladıqda, sistemi tərk etmədən müştərinin hər hansı bank kartı vasitəsilə ödəməni həyata keçirə biləcəklər.
Beləliklə, AXA MBASK müştərilərinə bütün mövcud ödəmə üsullarından – nağd, nağdsız - istifadə etməyə imkan verəcəkdir ki, bu da öz nəvbəsində müştərilərin loyallığının artmasına və müştəri məmnuniyyətinin daha yeni səviyyəyə keçməsinə gətirib çıxaracaq.
AXA MBASK həm Millikart şəbəkəsində xidmət olunan bankların, həm də şəbəkənin xaricində olan bütün bankların kartlarını qəbul edə biləcək.
AXA MBASK 2010-cu ildən AXA Qrupun beynəlxalq standartlarının Azərbaycanın sığorta bazarında tətbiq edilməsinə başlayıb. Sığorta agentliklərin şəbəkəsi vasitəsilə satışın inkişafı planını həyata keçirərək qısa bir müddətdə Azərbaycanın bütün regionlarında sığorta polislərinin satışı ilə məşğul olan, fiziki və hüquqi şəxslər, eləcə də maliyyə-kredit müəssisələri ilə bütün sığorta növləri üzrə fəaliyyət göstərən 80-ə yaxın sığorta məntəqəsi açılıb.
Avropa standartlarına uyğun xidmət keyfiyyəti, həmçinin ödənişlərin zamanında və bütöv şəkildə həyata keçirilməsi qısa bir müddətdə şirkətin “İlin sığorta şirkəti” kimi beş beynəlxalq və milli mükafatlara layiq görülməsi ilə nəticələnib. --17D—
İqtisadiyyat
-
Artıq bir neçə aydır Azərbaycanda pensiya və sosial ödənişlərin verilməsində gecikmələr olduğu bildirilir. Pensiyaçıların sözlərinə görə, gecikmələr üç-beş gün çərçivəsində olur. Məsələn, onlar vurğulayırlar ki, əlilliyə görə təqaüd ilin əvvəlində hər ayın 15-də ödənilirdisə, artıq üç aydır ki, ayın 20-si və ya 21-i ödənilir.
-
Azərbaycanın tütün ixracından əldə etdiyi gəlirlər 2024-cü ilin ilk səkkiz ayında 15,6 milyon dollara çataraq ötən ilin eyni dövründəki 3,2 milyon dollardan təxminən beş dəfə artıb. Bu kəskin artım, Azərbaycanın tütün məhsullarına beynəlxalq tələbatın genişlənməsini vurğulayır.
-
Dövlət Statistika Komitəsinin məlumatına görə, Azərbaycan bu ilin ilk doqquz ayında 11,100 ton çay idxal edib ki, bu da fiziki həcmdə 14.4%, dəyər baxımından isə 13.9% artım deməkdir. Eyni zamanda, ölkə cəmi 500 ton çay ixrac edib və bu, 4.8 milyon ABŞ dolları dəyərində olub ki, bu da Azərbaycanın daxili tələbatının 98%-ni qarşılayan idxal çayına olan güclü asılılığını vurğulayır.
-
Azərbaycan 2024-cü ilin ilk doqquz ayında düyü idxalını əhəmiyyətli dərəcədə artıraraq 52,500 tona çatdırıb ki, bu da 2023-cü ilin eyni dövrü ilə müqayisədə fiziki çəkidə 15.1% və dəyər baxımından 33.3% artım deməkdir. Dövlət məlumatlarına əsasən, düyünün hər tonunun orta qiyməti 15.8% artaraq, ötən ilki 899.77 dollardan 1042.17 dollara yüksəlib. Ölkənin düyü tələbatının 85%-nin xarici mənbələrdən qarşılanması Azərbaycanın idxaldan asılılığını daha da vurğulayır.
Rəy yaz