Mobil telefonlara valyuta «qara bazar»ının reklamı gəlir

Sentyabrın 5-dən mobil telefonlara valyuta «qara bazar»ında dolların məzənnəsi barədə məlumat gəlir.

Turan-ın məlumatına görə, 9944 nömrəsindən AMB-nin rəsmi məzənnəsi və valyuta «qara bazar»ında dolların məzənnəsi barədə məlumat gəlir.

Maraqlıdır ki, bazardakı vəziyyət barədə informasiyada 4%-lik marja aşılır.

SMS-də şəhər telefonu da verilir - 0124041389.

Amma bu nömrəyə zənglər bir nəticə vermir.

Avto cavab verici abunəçinin hara zəng etdiyini bildirmir. Operatorla əlaqə saxlamaq mümkün olmur. Bir neçə dəqiqə musiqi dinləyəndən sonra aydın olur ki, heç kəs cavab verməyəcək.

Bu məlumatı «Facebook» səhifəsində şərh edən Əkrəm Həsənov qeyd edib ki, SMS-də bankların rəsmi məzənnəsi verilmir.

 «Belə çıxır ki, «qara bazar» özünü komfortlu hiss edir və reklamla da məşğul olur. Hüquq mühafizə orqanları bununla məşğul olmalıdır», deyə Əkrəm Həsənov yazır. 

Hüquqşünas Xalid Ağaliyev Turan-a deyib ki, bu fakt Baş Prokurorluğun istintaq başlamsı üçün səbəb ola bilər.

«Qara bazar» qanunsuzdur və onun reklamı qanunvericiliyə ziddir», - deyə o bildirib.

Baş Prokurorluq və DİN «qara bazar»ın reklamı barədə şərh verməyib.

2015-ci ildə devalvasiya başlayanda hakimiyyət «qara bazar»ın formalaşmasına ciddi mane olub. Amma son vaxtlar «qara bazar» inkişaf etməyə başlayır. – 75В-