Moody’s beynəlxalq reytinq agentliyi “ABB-Moskva”nın yerli və xarici valyutada uzunmüddətli depozit reytinqini “В3” səviyyəsindən “В2” səviyyəsinə qədər artırıb.
Bankın kredit qabiliyyətinin qiymətləndirilməsi (BCA) b3-dən b2 pilləsinə yüksəlib. Bankın uzunmüddətli depozit reytinqi üzrə proqnoz stabil qiymətləndirilib. Bu barədə “Azərbaycan Beynəlxalq Bankı” ASC (“ABB-Moskva”nın 100% səhm sahibi) məlumat verib.
Bu reytinq “Azərbaycan Beynəlxalq Bankı” ASC-nin Banka dəstəyindən sonra “ABB-Moskva”nın getdikcə güclənən mövqeyi ilə bağlı Moody’s-in rəyini əks etdirir. ABB və “ABB-Moskva” 2016-cı ildə bankın sağlamlaşdırılması tədbirləri çərçivəsində Azərbaycan hökumətindən dəstək alıb.
Zərərli aktivlərin alınması ilə yanaşı, bu ilin II rübündə “ABB-Moskva”nın nizamnamə kapitalı 2 mlrd rubladək artırılıb. Bu, son 5 ildə ən böyük artım olub və kapital 70% artırılıb.
Moody’s eskpertləri ümid edir ki, Azərbaycan Beynəlxalq Bankının kapital artımı və aktivlərinin sağlamlaşdırılması yaxın 12-18 ayda da davam etdiriləcək. 08D
İqtisadiyyat
-
Azərbaycan Xəzər Dəniz Gəmiçiliyi (ASCO) Xəzər dənizində hava şəraitinin pisləşməsi səbəbindən dayandırılan yük və sərnişin daşımalarını bazar ertəsi tam bərpa edib.
-
Azərbaycan investisiyaların artırılması, investisiya mühitinin yaxşılaşdırılması və bilik və bacarıqların inkişaf etdirilməsi yolu ilə "orta gəlir tələsi"ni aşa bilər. Bu barədə iqtisadiyyat nazirinin müavini Səməd Bəşirli Bakıda Dünya Bankının Qlobal Hesabatı Dünya İnkişaf Hesabatı – 2024 (WDR) təqdimatında bildirib.
-
Avropa və Mərkəzi Asiya ölkələri yalnız investisiyaları cəlb etməməli, həm də davamlı iqtisadi artımı təmin etmək üçün texnologiyanı aktiv şəkildə uyğunlaşdırmalı və yaymalıdır, - Dünya Bankının region üzrə baş iqtisadçısı İvaylo İzvorski bildirib. Dünya İnkişaf Hesabatı 2024 təqdimatında çıxış edən İzvorski, özəl sektorun inkişafını ləngidən struktur problemlərini vurğulayıb.
-
Azərbaycan yüksək gəlirli ölkələr qrupuna keçməyə hazırdır, Mövsümov bildirib ki, 1990-cı illərdən bəri bu keçidi uğurla reallaşdıran cəmi dörd ölkə olub. "Bu, asan bir vəzifə deyil, amma biz buna hazırıq. İqtisadiyyatımızı daha da şaxələndirməsək, lider mövqeyimizi qorumaqda çətinlik çəkərik," – o deyib.
Rəy yaz