Moore Stephens yenidən mədən sənayesində şəffaflıq təşəbbüsü çərçivəsində Azərbaycan üzrə hesabat hazırlayır

Bu il, gələn il və 2017-ci il üçün mədən sənayesində şəffaflıq təşəbbüsü çərçivəsində Azərbaycan üzrə hesabatı yenə Moore Stephens audit şirkəti hazırlayacaq. Mədən sənayesində benefisiar sahiblik məlumatlarının açıqlanmasına dair yol xəritəsinin hazırlanması məqsədilə hüquq, məsləhət xidmətlərinin göstərilməsi üçün "Baker and McKenzie" şirkəti seçilib.

Neft Fondunun məlumatında deyilir ki, bu qərar Mədən Hasilatı üzrə Şəffaflıq Təşəbbüsünün (MHŞT) Azərbaycanda tətbiqinə dair Çoxtərəfli Qrupun (ÇQ) növbəti iclasında qəbul edilib.

Prosedura əsasən, şirkətlər köçürmələr barədə hesabat verəcək, auditor şirkətlərin və Azərbaycan hökumətinin mədaxil barədə hesabatlarını yoxlayacaq.

2003-cü ildə Azərbaycan EİTİ-yə qoşulanda hesabatları Delloitte & Touche, Moore Stephens və AGN MAK Azerbaijan LTD hazırlayıb.

Memorandumda SOCAR, BP Azerbaijan, Exxon, Statoil, Total, Lukoil, Unocal, Shell, Devon Enerji, Azerbaijan International Mining Company (cəmi 39 şirkət) iştirak edir.

2015-ci ilin aprelində Brazzavildə EITI Azərbaycanın statusunu azaldıb. 2010-cu ildən hökumət strukturları QHT-lərlə əməkdaşlıq etmədiyi üçün tam hüquqlu üzvlük namizədlik səviyyəsinə azaldılıb. 2009-cu ildə isə Azərbaycan prinsiplər və meyarlara uyğun gəldiyi üçün EITI mükafatı belə almışdı. --17D—

Rəy yaz

İqtisadiyyat

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti