Ştaynmayer: status-kvonun saxlanması Qarabağda yeni müharibədən sığortalamır

Qarabağ münaqişəsində apreldə yaşanmış gərginlik atəşkəs rejiminin zəif lduğunu göstərib, bu barədə bu gün Bakıda ATƏT-in fəaliyyətdə olan sədri, RF XİN rəhbəri Valter-Frank Ştaynmayer bildirib.

“Biz atəşkəs rejiminin möhkəmlənməsi üçün bütün tədbirləri görməli, bütün komponentlərdən və təkliflərdən istifadə etməliyik. Münaqişənin həlli üçün güzəştli təkliflər lazımdır. Biz münaqişənin konstruktiv şəkildə həll olunmasını istəyirik və Sankt-Peterburq görüşündən danışıqların davam etdirilməsi üçün istifadə etməliyik”, deyə Ştaynmayer qeyd edib.

O, etiraf edib ki, “münaqişənin qısa zamanda həlli real deyil”.

Bununla belə, o, hazırki status-kvonun təhlükəsizliyə zəmanət vermədiyini qeyd edib. “Status-kvonun saxlanması regionda yeni gərginlik olmayacağına heç bir zəmanət vermir. Biz ATƏT sədri kimi münaqişə tərəfləri ilə problemin siyasi həlli yollarını müzakirə etdik. Aprel hadisələri göstərdi ki, münaqişənin həllində ATƏT-in rolu çox əhəmiyyətlidir. Biz atəşkəsə nail olduq”, deyə Ştaynmayer əlavə edib. -03/06В-