Sankt-Peterburqda Azərbaycan, Ermənistan və Rusiya prezidentlərinin görüşündə Qarabağ nizamlanması üzrə substantiv (predmetli) danışıqlar başlayıb. Bu barədə bu gün Azərbaycan XİN rəhbəri Elmar Məmmədyarov almaniyalı həmkarı, ATƏT-in fəaliyyətdə olan sədri Frank-Valter Ştaynmayerlə birgə mətbuat konfransında bildirib.
Nazirin sözlərinə görə, "üzərində iş aparılan sənəd var". "Biz bu istiqamətdə işləsək, sülhə nail ola bilərik", deyə Məmmədyarov bildirib.
Münaqişənin nizamlanmasında Rusiyanın rolu və Moskvanın münaqişə tərəflərinin silahla təchiz etməsi haqında suala cavabda Məmmədyarov deyib ki, Rusiya regiona yaxın ölkədir, Cənubi Qafqazda sabitlik onun üçün əhəmiyyət kəsb edir və o, bunun üçün səy göstərir.
Məmmədyarov qeyd edib ki, Azərbaycan təkcə Rusiyadan deyil, digər ölkələrdən də silah alır və bu, tamamilə təbiidir, belə ki, ölkənin əraziləri işğal altındadır, Azərbaycanlı əhaliyə qarşı isə etnik təmizləmə həyata keçirilib. -03/06B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz