2017-ci ildə Azərbaycanda YUNESKO-nun təşkilatçılığı ilə alman yaşayış məntəqələrinin yaradılmasının 200 illiyi qeyd olunacaq. Bu barədə bu gün Azərbaycan XİN rəhbəri Elmar Məmmədyarov AFR xarici işlər naziri Frank-Valter Ştaynmayerlə birgə mətbuat konfransında bildirib.
Məmmədyarov deyib ki, Azərbaycanda alman mədəniyyət abidələri bərpa olunur. Xüsusən, 4 kilse bərpa olunub. Yubileyə qədər Gədəbəydə “Siemens” muzeyi bərpa ediləcək və Göygöldə alman mədəniyyəti muzeyi açılacaq.
Ştaynmayer Azərbaycan hökumətinin sözügedən tədbirlərindən məmnunluğunu bildirib və qeyd edib ki, Berlin də almanların Azərbaycanda məskunlaşmasının 200 illiyinin qeyd edilməsi üzrə tədbirləri müzakirə edəcək.
Xatırladaq ki, Azərbaycanda ilk alman məhəllələri 1817-ci ildə yaranıb. Şvablar Napaleonun başlatdığı müharibədən sonra dağıdılmış Avropadan buraya köçüblər.
Almanlar Annefeld (Şəmkir) və Yelenendorfda (Göygöl) sıx yaşayıblar.
Bundan başqa, “Siemens” şirkəti Gədəbəydə gümüş və qızıl mədənlərinin işlənməsi ilə məşğul olub.
İkinci Dünya Müharibəsinin başlanğıcında Stalin rejimi tərəfindən almanlar Azərbaycandan Qazaxıstana deporatasiya olunub. -06D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz