![Moskva və Bakı Azərbaycan kənd təsərrüfatı məhsullarının tədarükünün genişləndirilməsi imkanlarını müzakirə edirlər](https://turan.az/resized/media/2016/main/071900162607-750-500-resize.webp)
Moskva və Bakı Azərbaycan kənd təsərrüfatı məhsullarının tədarükünün genişləndirilməsi imkanlarını müzakirə edirlər
Dünən Moskvada Azərbaycan Respublikası Hökuməti və Rusiya Federasiyası Hökuməti arasında iqtisadi əməkdaşlıq üzrə Hökumətlərarası komissiyanın iclası keçirilib.
Komissiya çərçivəsində yaradılmış kənd təsərrüfatı sahəsində əməkdaşlıq və kənd təsərrüfatı məhsullarının təchizatı üzrə İşçi qrup Azərbaycanın kənd təsərrüfatı məhsullarının tədarükünün genişləndirilməsi ilə bağlı razılığa gəlib, - deyə AR İqtisadiyyat Nazirliyinin məlumatında bildirilir.
Görüşdə Rusiya Federasiyasına ixrac edilməsi məqsədilə ət və süd məhsulları istehsal edən Azərbaycan şirkətlərinin Rusiyanın Baytarlıq və Fitosanitar Nəzarəti üzrə Federal Xidməti tərəfindən aparılan reyestrə, həmçinin Rusiyada ət və süd məhsulları istehsal edən şirkətlərin Azərbaycanda aparılan müvafiq reyestrə daxil edilməsi, meyvə-tərəvəz məhsullarının ixracının həcminin artırılması üçün Rusiya bazarına ixrac prosesində daha əlvelişli şəraitin yaradılması, hər iki ölkədə verilən fitosanitar və baytarlıq sertifikatlarının mübadiləsinin elektron qaydada həyata keçirilməsi prosesinin sürətləndirilməsi və digər məsələlər müzakirə olunub.
“Müzakirələrin nəticəsi olaraq müvafiq orqanların qarşılıqlı əməkdaşlığının aparılması müsbət qiymətləndirilərək, daha da genişləndirilməsi məqsədəuyğun hesab edilib”, - deyə məlumatda bildirilir.
Xatırladaq ki, Azərbaycan tərəfindən İşçi qrupunun rəhbəri iqtisadiyyat nazirinin müavini Sahib Məmmədov, Rusiya tərəfindən isə İşçi qrupunun rəhbəri kənd təsərrüfatı nazirinin müavini Sergey Levindir.
RF səfirliyinin məlumatına görə (http://azerbaijan.mid.ru/torgovo-ekonomiceskie-svazi), I rübdə ikitərəfli əmtəə dövriyyəsi $707,3 mln olub. Azərbaycan $73,2 mln, Rusiya $634,1 mln məbləğində ixrac edib. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz