![Muğanbank İCD ilə maliyyə müqaviləsi imzalayıb](https://turan.az/resized/./turan-750-500-resize.webp)
Muğanbank İCD ilə maliyyə müqaviləsi imzalayıb
“Muğanbank” ASC Özəl Sektorun İnkişafı üzrə İslam Korporasiyası (ICD) ilə 3 milyon dollar məbləğində maliyyə müqaviləsi imzalayıb, deyə bankın məlumatında bildirilir.
Müqavilə çərçivəsində alınacaq vəsaitlər istehsal, ticarət, sənaye, kənd təsərrüfatı və digər sahələrdəki kiçik və orta sahibkarların layihələrinin maliyyələşdirilməsinə yönəldiləcək. “Hazırkı maliyyə müqaviləsi ICD ilə əməkdaşlığın inkişafı istiqamətində bizim üçün ilk və vacib addımdır”, deyə “Muğanbank” ASC-nin İdarə Heyətinin sədri Elmir Həsənov müqavilənin bağlanmasına öz münasibətini bildirib.
Həsənov ICD-nin nüfuzlu beynəlxalq maliyyə institutlarından biri olduğunu bildirib və onun Azərbaycanda kiçik və orta sahibkarlığın inkişafını dəstəkləməsini müsbət qarşıladığını qeyd edib.
ICD 1999-cu il noyabr ayında təsis edilib. O, çoxtərəfli bir maliyyə institutu kimi İslam İnkişaf Bankı Qrupunun üzvüdür. Əsas səhmdarı İslam İnkişaf Bankı, o cümlədən ICD-yə üzv olan 51 ölkə və üzv ölkələrdən olan beş dövlət maliyyə institutudur.
Azərbaycan maliyyə-bank sektorunun tanınmış qurumlarından biri olan “Muğanbank” ASC 1992-ci ildə fəaliyyətə başlayıb. Bank ABŞ Beynəlxalq İnkişaf Agentliyi (USAID), Avropa Yenidənqurma və İnkişaf Bankı (AYİB), Beynəlxalq Maliyyə Korporasiyası (BMK), ABŞ-ın WorldBusiness Capital (WBC) investisiya fondu, Xarici Özəl İnvestisiyalar Korporasiyası (OPICkimi beynəlxalq iqtisadi qurumlarla əməkdaşlıq edir. --15D--
-
- İqtisadiyyat
- 6 Noyabr 2013 16:11
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz