Mülki aviasiyaya investisiyalar artır, aviatorların maaşları isə azalır

2014-cü ildə aviasiya sahəsində istismara verilən əsas fondların həcmi əvvəlki 7 ildəki qədər olub.

Dövlətstatkomun məlumatına görə, ötən il 619,3 mln manat məbləğində əsas fondlar istismara verilib. Söhbət, yəqin ki, Bakı aerovağzal kompleksi və “Azerbaijan Airlines”, “Silk Way West” və s aviaşirkətlərin yeni avialaynerlərindən gedir.

Təkcə bu il «Silk Way Business Aviation» aviaşirkəti böyük qabaritli və yüksək sürətli 2 Gulfstream G650 (mart, iyun) biznes-ceti alaraq Bakıya gətirib. Hazırda «Silk Way Business Aviation»un parkında 8 Gulfstream təyyarəsi var. Gulfstream-dan başqa şirkətin aviaparkında reaktiv Boeing 727-251 və regional ATR-42-500 VIP var, deyə şirkətin məlumatında (http://businessaviation.az/news/novosti-kompanii/dostavlen-vtoroy-g650.html) bildirilir.

Bundan başqa, bu ilin mayında “Silk Way Airlines” aviaşirkəti Ukraynadan 10 ədəd An-178" tipli nəqliyyat təyyarəsi almaq barədə saziş bağlandığını bildirir (http://www.silkwayairlines.com/index.php/az/haqq-m-zda/xeberler-ve-yenilikler-az/235-az-rbaycan-ukraynadan-10-d-d-an-178-t-yyar-si-alacaq).

2007-2014-cü illərdə aviasiyaya dövləvə özəl investisiyalar 1 mlrd 254 mln manat olub. Nə AZAL, nə də  Silk Way Group investisiya fəaliyyəti məlumatını açıqlamır.

İnvestisiya artımı fonunda milli aviasiyada işçi sayı da artır. 2014-cü ildə 1050 yeni əməkdaş işə qəbul edilib və bu sahədə əməkdaşların sayı 12,1 minə yaxınlaşıb. Amma aviasiya işçilərinin orta aylıq maaşı 2013-cü ildən azalır. 2012-ci ildə aviasiyaçılar orta hesabla ayda 985,2 manat alıb, 2013-cü ildə maaşlar 152,1 manat, 2014-cü ildə (2013-cü ilə nisbətən)  43,8 manat azalıb. --08B—