2012-ci ildə Vergilər Nazirliyi iş yerlərinin leqallaşdırılması və işəgötürənlərlə fərdi əmək müqavilələrinin bağlanması üçün kompleks tədbirlər həyata keçirib. Nəticədə 11 yanvar 2013-cü il tarixə vergi orqanları tərəfindən 55 min 94 işəgötürən vergi ödəyicisi ilə 180 min 96 işçi arasında bağlanmış əmək müqavilələri barədə məlumatın yeni yaradılmış məlumat bazasına daxil olunması təmin edilib, deyə Vergilər Nazirliyi məlumat verir.
Nazirliyin məlumatına görə, 11 yanvar 2013-cü il tarixə muzdlu işlə əlaqədar işçi sayları 1 milyon 480 min 925 nəfərə çatdırılıb. Vergi ödəyiciləri onlara verilmiş parol və şifrə vasitəsi ilə Vergilər Nazirliyinin internet səhifəsinə daxil olaraq işçilər haqqında məlumatı bu bazaya daxil edə biləcəklər.
Dövlətstatkoma görə, 2012-ci ilin əvvəli üçün ölkədə muzdlu işçilərin sayı 1 387,5 min nəfər olub.
Vergilər Nazirliyinin vergi bazasını genişləndirmək üçün potensial fərdi əmək fəaliyyəti subyektlərinə vergi uçotuna alınmaqla bağlı yazılı bildirişlər göndərir, qanunvericiliyin tələbi və vergi orqanlarında uçota durmağın vacibliyi onlara izah olunur.
Dövlətstatkoma görə, 2012-ci il yanvarın əvvəli üçün ölkədə 4 375 min məşğul əhali olub. Bunun 1 650 min kənd təsərrüfatında çalışır və vergiyə cəlb edilmir. 08D
İqtisadiyyat
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
-
Azərbaycanın əmək bazarı genişlənməkdə davam edir. Dövlət Statistika Komitəsinin ilkin məlumatlarına görə, 2025-ci ilin yanvar ayının əvvəlində ölkə iqtisadiyyatında çalışanların ümumi sayı 1,78 milyon nəfərə çatıb. Məlumatlar göstərir ki, 882,800 nəfər dövlət sektorunda, 895,700 nəfər isə qeyri-dövlət sektorunda çalışır.
Rəy yaz