Böyük enerji layihələrinin həyata keçirilməsində siyasi dəstək çox əhəmiyyətlidir, bu barədə Azərbaycan energetika naziri Natiq Əliyev ABŞ-ın Bakıdakı səfiri Robert Sekyuta ilə bugünki görüşdə bildirib.
Energetika Nazirliyinin mətbuat xidmətinin məlumatına görə, Əliyev qeyd edib ki, “Cənub Qaz Dəhlizi”nin həyata keçirilməsi üzrə işlər qrafikə tam uyğun şəkildə gedir. Azərbaycan energetika layihələri üzrə bütün öhdəliklərini yerinə yetirir.
TAP layihəsinin (Transadriatik qaz kəməri) həyata keçirilməsi çərçivəsində yaranmış problemlərə toxunan Əliyev ABŞ-ın bu məsələ üzrə mövqeyini yüksək qiymətləndirib.
“Bakı-Tbilisi-Ceyhan nümunəsi təsdiq etdi ki, böyük energetika layihələrinin həyata keçirilməsi zamanı siyasi mövqe əhəmiyyətlidir. “Cənub Qaz Dəhlizi”nin və onun komponenti olan TAP-ın həyata keçirilməsində də bu dəstək vacibdir”, deyə Əliyev bildirib.
Sekyuta öz növbəsində Azərbaycan qazının hasilatında və nəqlində Vaşinqtona dəstək vəd edib.
Görüşdə həmçinin yunanıstandakı hadisələrin energetika layihələrinə və dünyada neftin qiymətinə, Transxəzər boru kəmərin və “Türk Axını” qaz kəmərinə təsiri haqqında fikir mübadiləsi aparılıb. -16D-
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz