Naxçıvan büdcəsində talançı tapılmayıb

Hesablama Palatası Naxçıvan MR bu strukturunun fəaliyyəti üzrə hesabatı açıqlayıb. Sənədə əsasən, muxtariyyatda dövlət vəsaitləri mənimsənilməyib.

Hesabatda deyilir ki, muxtariyyatdakı bir neçə yüz dövlət strukturundan 11 təşkilatda audit tədbirləri keçirilib. Kənd Təsərrüfatı, Mədəniyyət və Turizm, Əmək və Əhalinin Sosial Müdafiəsi, Ekologiya və Təbii Ehtiyatlar  nazirlikləri, Milli Elmlər Akademiyasının şöbəsi və s-də yoxlamalar aparılıb.

HP-nın məlumatına görə, yoxlama zamanı üç təşkilatda 4 nəfərə ümumi həcmi 679 manat və 2 təşkilatda beş işçiyə ümumilikdə 208 manat məzuniyyət pulunun artıq ödənildiyi aşkarlanıb. 2015-ci ildə Naxçıvan MR-nın dölət büdcəsinin xərcləri 297,7 mln manat təşkil edib. Bundan əlavə, muxtariyyat AR dövlət büdcəsindən bir neçə yüz milyon manat dövlət investisiyası alır. HP-nın NMR idarəsi hökumətin 2015-ci ildə tikinti və investisiya fəaliyyətindəki yoxlamalar barədə məlumat vermir. 

Dövlət büdcəsindən kapital yatırımı əsasən NMR Ali Məclisinin sədri Vasif Talıbovun ailəsi və ona yaxın olanlara məxsus holdinq şirkətləri vasitəsilə xərclənir. 08D