Vergilər Nazirliyi pərakəndə ticarət obyektləri üçün əlavə dəyər vergisinin yeni normalarının tətbiqinə kompleks yanaşma hazırlayır.
Nazirliyin Vergi siyasəti və strateji araşdırmalar Baş İdarəsinin rəisi Samirə Musayevanın sözlərinə görə, ƏDV dərəcələrə ayrılmış olmalı, ilkin tələbat malları və başqa kateqoriya məhsulların satılması nəzərə alınmalıdır. Yəni elə qərar qəbul olunmalıdır ki, büdcə mədaxili azalmasın, eyni zamanda sahibkarlığa da əngəl yaranmasın.
«Nazirlik hesab edir ki, bu tədbir ticarətin inkişafına kömək edəcək, eləcə də nağdsız hesablaşmalar stimullaşacaq, dövriyyənin şəffaflığı təmin ediləcək», - deyə o bildirib.
Musayevanın sözlərinə görə, 1 yanvar 2011-ci ildə Vergi Məcəlləsi qüvvəyə minəndən sonra mənfəət vergisi 27%-dən 20%-ə, ƏDV 20%-dən 18%-ə azaldılıb. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz