![Azərbaycan və Aİ miqrantların müdafiəsi məsələsini müzakirə edəcəklər](https://turan.az/resized/media/2016/main/042900154496-750-500-resize.webp)
Azərbaycan və Aİ miqrantların müdafiəsi məsələsini müzakirə edəcəklər
Mayın 5-6-da Bakıda dövlət məmurları üçün praktiki treninq çərçivəsində işçi miqrantların hüquqlarının müdafiəsi, həmçinin onların inteqrasiyası məsələsi müzakirə olunacaq.
Tədbiri Avropa Komissiyası Texniki Yardım və İnformasiya Mübadiləsi Aləti (TAIEX) Azərbaycan Milli Elmlər Akademiyası İnsan Hüquqları İnstitutu ilə əməkdaşlıq şəraitində təşkil edib. Bu barədə Avropa Qonşuluğu İnformasiya Mərkəzindən məlumat verilib.
Miqrasiyanın tənzimlənməsi, həmçinin miqrantların, əsasən işçi miqrantların hüquqlarının qorunması hazırda Azərbaycanda əsas kəskin məsələlərdən biri olaraq qalır, - tədbirin proqramında deyilir.
Litva, İspaniya və Avropa İttifaqı Şurasından olan ekspertlər bu məsələlərin həlli ilə bağlı təcrübələri bölüşəcəklər. Azərbaycan parlamentinin, həmçinin müvafiq dövlət orqanlarının nümayəndələri ölkədə işçi miqrantların müdafiəsi məsələsini tənzimləyən mövcud qanunverici bazanı təqdim edəcəklər.
TAIEX aləti Aİ ilə assosiativ üzvlük və ya əməkdaşlıq haqqında sazişlər çərçivəsində imzalanan milli qanunvericiliyin, normativ müddəaların və standartların Aİ ölkələrində tətbiq edilənlərə yaxınlaşdırılması məsələsində tərəfdaş ölkələrə dəstək göstərilməsi üçün nəzərdə tutulub. Dəstək ekspert missiyaları, praktiki treninqlər və ya seminarlar, həmçinin işgüzar səfərlər çərçivəsində göstərilir. Şərq Qonşuluğu çərçivəsində TAIEX aləti Azərbaycan, Gürcüstan, Ermənistan, Belarus, Moldova və Ukrayna ilə iş aparır.
2016-cı ildə TAIEX aləti Aİ qonşuluq siyasəti iştirakçısı olan ölkələr ilə əməkdaşlığın on illiyini qeyd edir. -02D-
-
- İqtisadiyyat
- 29 Aprel 2016 17:15
-
- İqtisadiyyat
- 29 Aprel 2016 17:24
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz