Tiraj lotereyaları üzrə dövlət inhisarçısı “Azərlotereya” ASC 2015-ci il üçün auditdən keçmiş maliyyə hesabatını (https://goo.gl/rwjtt4) açıqlayıb. Sənədə əsasən, satılan lotereyaların sayı 3,5% azalıb.
Vaxtı keçdiyi üçün silinən borclar (642,5 min manat) və depozitə yerləşdirilmiş vəsaitə görə faizlər (252,2 min manat) nəzərə alınmaqla şirkətin ümumi gəlirləri 28 mln 578,9 min manat olub. Bu, 2014-cü ildəkindən 2,3% azdır.
2015-ci ildə uduşların ödənilməsinə 17 998 min manat (satışın 65%-i) yönəldilib. Uduş fondu 1,1% azalıb. “Azərlotereya” ASC-nin hesablamasına görə, uduşlu biletlərin sayı 5 299 100 ədəd (+9,2%) təşkil edib.
Cəmi 13 013 549 çap bileti, 8 006 256 ani lotereya, 5 747 484 ədəd elektron bilet satılıb.
“Azərlotereya” ASC qeyd edir ki, 2015-ci ildə əsas xərclər 62 min manat artaraq 8,5 mln manata çatıb. Bu vəsaitlərin hara və necə xərclənməsi barədə əvvəlki illərdə olduğu kimi məlumat açıqlanmır.
2015-ci ildə “Azərlotereya” ASC dövlət büdcəsi və pensiya fonduna 1 068,7 min manat ödəniş edilib Bu, 2014-cü ildəkindən 6,5% azdır.
2015-ci ildə şirkətin bölünməyən mənfəəti 4 942 mindən 5 660 min manata artıb.
Maraqlıdır ki, SC-nin rəhbərliyi mənfəəti kefi istədiyi kimi bölür. 2015-ci ildə dividend kimi dövlət büdcəsinə 500 min manat, sponsor yardımı kimi Azərbaycan Stolüstü Tennis Federasiyasına 200 min manat ödənilib. Bu idman təşkilatının prezidenti isə iqtisadiyyat naziri Şahin Mustafayevdir. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz