«Şahdəniz» yatağında hasilat başlanandan (noyabr 2006) 1 aprel 2016-cı ilədək 70 mlrd kubmetr qaz hasil edilib, deyə SOCAR-ın I vitse-prezidenti Xoşbəxt Yusifzadə "Xəzər və Mərkəzi Asiya – Ticarət, logistika, neft emalı və neft-kimya" konfransında bildirib.
«Bu dövrdə yataqdan 18 mln ton kondensat çıxarılıb. Sutkada yataqdan 30 mln kubmetr qaz və 7 min ton kondensat hasil edilir», - deyə Yusifzadə qeyd edib. Onun sözlərinə görə, “Mərhələ -1” çərçivəsində sutkada Gürcüstana 2,5 mln kubmetr, Türkiyəyə 18,2 mln kubmetr qaz ixrac edilir.
"«Şahdəniz» yatağında hasilat başlanandan Türkiyəyə 39 mlrd kubmetr, Gürcüstana 5 mlrd kubmetr qaz ixrac edilib", - deyə Yusifzadə qeyd edib.
SOCAR-ın I vitse-prezidentinin dediklərindən belə görünür ki, 26 mlrd kubmetr qaz Azərbaycan tərəfinə verilib.
* «Şahdəniz» yatağının işlənməsi barədə saziş 4 iyun 1996-cı ildə imzalanıb. Yataq 1999-cu ildə kəşf edilib. Layihənin iştirakçıları bunlardır: BP (28,8%), TPAO (19%), SOCAR (16,7%), Petronas (15,5%), LUKoil (10%) və NICO (10%). –12C--
İqtisadiyyat
-
Azərbaycanın dövlət enerji şirkəti "Azərenerji", SOCAR Trading və İtaliyanın Ansaldo Energia şirkəti karbon kreditləri üzrə üçtərəfli razılaşma imzalayıblar, çümə günü "Azərenerji" məlumat verib.
-
SOCAR-UNIPER birgə müəssisəsi COP 29 tədbirləri çərçivəsində cümə günü "Etilen-Polietilen" zavodunda 65 MVt gücündə buxar generatorunu istifadəyə verdi. Layihə enerji səmərəliliyinin artırılmasına yönəlib və Azərbaycanın kimya sənayesində SOCAR və UNIPER-in birgə səylərinin əhəmiyyətli bir mərhələsidir.
-
Fransanın enerji nəhəngi TotalEnergies Azərbaycan Respublikasının Naxçıvan Muxtar Respublikasında günəş və külək elektrik stansiyaları layihələrində iştirak etməyi nəzərdən keçirir. Bu imkan 15 noyabrda Bakıda TotalEnergies şirkətinin baş direktoru Patrik Puyannenin Azərbaycan hökumət nümayəndələri ilə apardığı danışıqlarda müzakirə edilib.
-
Azərbaycan Energetika Nazirliyi, China Energy Overseas Investment Co. Ltd. və SOCAR Green MMC Fizuli rayonunda 160 meqavatlıq günəş enerjisi layihəsinin həyata keçirilməsi üçün müqavilə imzalayıb. Bu barədə İqtisadiyyat Naziri Mikayıl Cabbarov çərşənbə günü sosial şəbəkələrdə məlumat verib.
Rəy yaz