Naxçıvan MR-da 1 iyul üçün 1 mlrd 14,09 mln manatlıq ÜDM istehsal (ötən illə müqayisədə +2,4%) edilib.
Tam dotasiya ilə işləyən muxtariyyətin Dövlətstatkomuna görə, adambaşına ÜDM həcmi I yarımildə 2 min 323,8 manat (il ərzində + 2,3%) olub. ÜDM strukturunda sənaye 31,5%, tikinti 22,8% paya malik olub.
Sənaye istehsalı əsasən özəl sektorda olub – 471,58 mln manatın 438,91 mln-u onun payına düşür. Əsas kapitala investisiyalar 516,28 mln manat təşkil edib. İllik artım 1,6 dəfədir.
Maraqlıdır ki, pərakəndə ticarət dövriyyəsi I yarımildə 24%, əhalinin pul gəlirləri 3,4%, orta əmək haqqı 2,1% artıb.
Banklar və kredit təşkilatları yanvar-iyunda 2 mln 233,8 min manat kredit verib. Bu, ötən ilin eyni dövründəkindən 2,3 dəfə çoxdur. Nominal olaraq, muxtariyyətdə 420 min nəfər yaşayır. Demək, adambaşına 5 manat kredit düşür. Hətta ən kasıb Asiya və Afrika ölkələrində belə rəqəmlər yoxdur. Bel çıxır ki, əhalinin dörddə biri də burda yaşamır. Onlar Vasif Talıbovun əlindən Türkiyə, İran, Rusiyaya, çoxu isə Bakıya və regionlara qaçıb.
I yarımildə NMR-nın xarici ticarət dövriyyəsi $232,42 mln (+0,9%) olub. İxrac $175,09 mln, idxal $57,331 mln təşkil edib. --17D—
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz