Rəsmi statistikaya görə, Naxçıvan Azərbaycanda yeganə «vahə»dir ki, işsiz yoxdur.
Naxçıvan MR Statistika Komitəsinin məlumatına görə, 2008-ci ildən bütün əmək qabiliyyətli əhali işlə təmin edilib və işsiz yoxdur. 2013-cü ilin əvvəli üçün 221 min əmək qabiliyyətli əhali işlə təmin edilib. Ona görə muxtariyyatda işsiz statusu alıb müavinət alan da yoxdur. Beynəlxalq Əmək Təşkilatının metodologiyasına görə, 2013-cü ilin III rübündə Azərbaycanda 238 min işsiz olub və bu ilin əvvəli üçün belə status 36,2 min nəfərə verilib.
Muxtariyyatın rəsmi statistikasına görə, 1 oktyabr 2003-cü ildən 1 yanvar 2014-cü ilə kimi burda 59 369 yeni iş yeri açılıb. Bunun 42,9 mini (72,2%) daimidir. Təkcə 2013-cü ildə 2260 yeni iş yeri açılıb.
NMR DSK-nın məlumatına görə, 2010-cu ildən 2012-ci ilə kimi Naxçıvanda muzdlu işçi sayı 7354 nəfər artaraq 92 736 nəfərə çatıb. Bundan başqa, hüquqi şəxs yaratmadan sahibkarlıqla 18 min nəfər məşğul olur.
Rəsmən NMR-da 435 367 min nəfər yaşayır.
AXCP NMR şöbəsinin sədri Yaşar Bağırsoy Turan-a bildirib ki, rəsmi strukturların məlumatları həqiqəti əks etdirmir. «Muxtariyyatda bu gün 220 min nəfər yaşayır. İşsizlik üzündən əhali Türkiyə, İran, Rusiya və Bakıya üz tutub. Minlərlə iş yerinin açılması barədə informasiya muxtariyyat sakinlərində gülüş doğurur. Son illər burda hakim nomenklaturanın biznesi çiçəklənir», deyə müxalifətçi qeyd edib.
Dünyada işsizlik olmayan dah bir yer Kipr Respublikasıdır. Amma burda da 850 min əhali olsa da, işsiz sayı bir neçə on min nəfərdir. --08B—
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz