Nazirlər Kabineti torpaqların alınması barədə qərar qəbul edib

Nazirlər Kabineti dekabrın 11-də Bakı və 40 şəhər və rayonda su təchizatı və kanalizasiya sisteminin yenidən qurulması məqsədi ilə tikili və qurğuların inşa ediləcəyi əraziləri dövlət ehtiyacları üçün alan orqan səlahiyyətinin "Azərsu" Açıq Səhmdar Cəmiyyətinə verilməsi barədə qərar qəbul edib. Bu rayonların çoxunda (Şamaxı, Qəbələ, Ağdaş, Göyçay, Gəncə və s.) su təchizatı və kanalizasiya sisteminin yenidən qurulması işləri gedir. 

Hökumət “Azərsu”  ASC-yə tapşırıq verib ki, "Torpaqların dövlət ehtiyacları üçün alınması haqqında" Azərbaycan Respublikası Qanununa müvafiq olaraq bu rayon və şəhərlədə dövlət ehtiyacları üçün torpaq alınması üzrə hazırlıq işləri görsün və təklifləri NK-ya göndərsin. 

Bu, 2010-cu ilin mayında deyilən qanun qüvvəyə minəndən Nazirlər Kabinetinin internet resursunda torpaqların dövlətin ehtiyacları üçün özgəninkiləşdirilməsi üzrə ilk açıqlanan qərarıdır. Hərçənd son il yarımda ölkədə müxtəlif miqyaslı onlarla layihə icra edilib və vətəndaşalrın və başqa mülkiyyətçilərin torpaq və daşınmaz əmlakı alınıb. Bu qanuna əsasən, mülkiyyətçilərin torpağını almaq zərurəti yarananda Nazirlər Kabineti müvafiq qərar qəbul edir və bundan sonra torpaqların dövlətin ehtiyacları üçün özgəninkiləşdirilməsi üzrə danışıqlar başlayır. Gerçəkilikdə isə mülkiyyətçilərin torpağı əlindən alıınır, məhkəmə qərarlarından sonra onların bəziləri kompensasiya əldə edə bilir. Bu faktlar üzrə məhkəmə prosesləri indi də davam edir. 

Maraqlıdır ki, “Azərsu” ASC 2007-2009-cu illərdə 3000-dən çox mülkiyyətçidən əkin torpağı alıb, onların çoxunda çoxillik bitkilər olub. Amma hüquq müdafiə təşkilatlarının bildirdiyinə görə, onların 90%-i qanunvericilikdə nəzərdə tutulan ədalətli kompensasiya almayıb. 08B