Dövlət Neft Fondu “MACQUARIE Group” investisiya bankının Sidney ofisini almaq üçün danışıqlar aparır. Bu barədə virtualaz.org “The Australian” nəşrinə istinadən məlumat verir.
İnformasiyaya əsasən, bank tarixi binanı satışa çıxarıb və alıcılar arasında ARDNF də var.
Azərbaycan tərəfi bina üçün 350 milyon təklif edir..
MACQUARIE Group” öz ofisini satmaq planlarını bu ilin əvvəllərində açıqlayıb. Bu vaxt AR DNF-nin rəhbəri Şahmar Mövsümov “The Wall Street Journal” qəzetinə fondun Avstraliyada kommersiya təyinatlı daşınmaz əmlaka investisiya yatırmaq planlarını açıqlayıb. O vaxtdan 34,5 milyard dollarlıq aktivlərə malik ARDNF ilin əvvəllərindən etibarən Avstraliyanın daşınmaz əmlak bazarını araşdırır.
Nəşr qeyd edir ki, “MACQUARIE Group”un ofisin yerləşdiyi bina tarixi əhəmiyyət daşıdığı üçün binanı alıb icarəyə vermək istəyənlərə yerli hakimiyyət tərəfindən sərt şərtlər qoyulur.
Qeyd edək ki, hazırda kommersiya təyinatlı daşınmaz əmlaka investisiya qoymaq əlverişli sayılır. Buna qədər Azərbaycan Dövlət Neft Fondu Londonda 177 milyon funt-sterlinqə, Parisdə isə 135 milyon avroya iki tarixi bina alıb.–0--
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz