Qərblə İran arasında münasibətlərin istiləşməsi Azərbaycanın Avropanın enerji təhlükəsizliyində rolunu azaltmayacaq. Bu məsələni şərh edən Caspian Barrel neft araşdırmaları mərkəzinin rəhbəri İlham Şaban bəyan edib ki, Azərbaycan İranın perspektivdə oynayacağından fərqli rol oynayır.
“Qərb Rusiya və İrana qaz anbarı kimi baxır, Azərbaycana belə rl verilməyib”, - deyə Şaban qeyd edib.
Onun sözlərinə görə, Azərbaycan Mərkəzi Asiyaya pəncərədir.
“Azərbaycan Avropanın enerji təhlükəsizliyində Xəzərin enerji axınının Cənub enerji dəhlizi ilə idarə edilməsində mərkəz rolu oynayır. Əsrin sonuna kimi bu əhəmiyyət qala bilər. Ona görə Azərbaycan bütün gücünü Xəzərdən Avropaya infrastruktur yaradılması və idarə edilməsinə yönəldir”, - deyə Şaban izah edib.
* Hazırda Azərbaycandan Qərb istiqamətində iki qaz kəməri fəaliyyət göstərir: Bakı-Tbilisi-Ərzurum – buraxılış qabiliyyəti ildə 7,2 mlrd kubmetrdir və Hacıqabul-Qardabani gücü 1,5 mlrd kubmetr. 2015-ci ildə Bakı-Tbilisi-Ərzurum genişləndiriləcək: Azərbaycan ərazisində gücü ildə 16 mlrd kubmetr olan qaz kəməri çəkiləcək, Gürcüstanda iki yeni nasos stansiyası tikiləcək. 2014-cü ilin sonunda Türkiyə ərazisində ARDNŞ TANAP qaz kəmərini tikməyə başlayacaq (ilkin gücü ildə 16 mlrd kubmetr). Bu kəmərin gücü sonradan 32 mlrd kubmetrə çatdırılacaq TANAP Türkiyə-Yunanıstan sərhədində TAP qaz kəməri ilə (ARDNŞ-nin burda 20% payı var) birləşəcək. Kəmər 2019-cu ildə “Şahdəniz-2”dən ilk qazı qəbul edəcək. Beləliklə, Azərbaycan Xəzərdən Avropaya infrastruktur yaradacaq.—12В--
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz