Treyderlər iri neft şirkətlərini qiymət manipulyasiyasında ittiham edir

Dörd müstəqil treyder BP Plc, Statoil ASA və Royal Dutch Shell Plc daxil neft şirkətlərini Morgan Stanley və neft treyderi Vitol Group ilə Brent neftinin qiymətində manipulyasiyada ittiham edir, deyə Bloomberg agentliyi bildirir.

Öz iddiasında treyderlər - Nyu-York əmtəə birjasının keçmiş direktoru Kevin Makdonnell, fərdi treyder Entoni İnsinqa, Robert Mixils və Con Devivo bildirir ki, 10 ildir şirkətlər neftin qiymətini öz maraqları üçün idarə edib. Onlar hətta Rusiyanın Urals neft ilə də manipulyasiyaya cəhd edib. Brent və Dubai nefti arasında spred mümkündür ki, saxtalaşdırılıb. 

İddiaçılara görə, neft şirkətləri Platts agentliyinə yanlış məlumat veriblər. Bir çox birja və investorlar onlara istinad edir. Başqa bir manipulyasiya üsulu "spufinq"dir (spoofing), bazarın dinamikasına təsir edən iri sifarişlər qəbul edib sonradan ləğv etmək. 

"Bu, çox qapalı bazardır. Kənar şəxslər ona daxil ola bilməz. Ona görə mütəxəssisə və treyderlər bu naməlumdluqdan istifadə edə bilər", - deyə treyderlərin vəkili Devid Kovel bildirib. 

Bu, neft nəhənglərinə ilk ittiham deyil. Mayda Avrokomissiya neft şirkətlərinin binalarında (BP, Royal Dutch Shell və Statoil) və Platts agentliyində qəflətən yoxlama aparıb. Avrokomissiya ehtimal edib ki, bu şirkətlər neftin qiyməti üzrə informasiyanın təhrif edilməsi üçün əlbir olublar, qiymətin müəyyən edilməsi prosesində iştirak üçün başqa firmalara əngəl yaradıblar, deyə Прайм bildirir. –0--