Neft Fondu Beynəlxalq Bankda $1 mlrd depozit yerləşdirib

Neft Fondu Beynəlxalq Bankda $1 mlrd depozit yerləşdirib. ARDNF 2001-ci ildən ilk dəfə kapitalını daxili bazara yerləşdirib.

Bu, hökumətin xahişi ilə baş verib: ABB-ni xilas etmək lazımdır. Rəsmi məlumata görə, 2009-cu ilin oktyabrından 2015-ci ilin martına kimi offşor zonalara bankdan $3,7 mlrd və 1,1 mlrd avro köçürülüb və vəsait qayıtmayıb. Bu dövrdə fiziki və hüquqi şəxslərə 1,3 mlrd manat, $1,4 mlrd və 300 mln avro ümidsiz kredit verilib.

Neft Fondunun $1 mlrd depozitindən ABB-nin xarici borclarının ödənilməsi üçün istifadə ediləcək.

BVF-nin məlumatına görə, AMB və Maliyyə Nazirliyinin auditi göstərib ki, ABB-nin psi aktivləri 7 mlrd manata (aktivlərin 70%-i) yaxındır.

“Bankın $3 mlrd xarici öhdəlikləri var. ABB gözləyir ki, hökumət onun üçün əlavə 500 mln AZN ayıracaq. Bundan başqa. AMB ABB-yə 1 mlrd AZN subordinasiyalı borc verib, ABB-ni daimi gəlirlə təmin etmək üçün 5%-lə 3 mlrd manat depozit cəlb edib”, – deyə BVF bildirir.

Hesabata əsasən, ABB-nin səhmdarı olan Maliyyə Nazirliyi 2016-cı ilin sonuna kimi bankda payını 95%-ə çatdıracaq.

“ 2014-cü ilin sonunda Maliyyə Nazirliyinin payı 51%, 2015-ci ilin sonunda 85% olub. Bu ilin sonuna bu göstərici 95%-ə çatacaq”, – deyə hesbatda bildirilir.

* Azərbaycan Beynəlxalq Bankı 1992-ci ildə yaradılıb.—0--