Neft Fondu STAR NEZ-in tikintisinə $845 mln yönəldib

Dövlət Neft Fondu indiyədək STAR NEZ tikintisi layihəsində Azərbaycanın payının maliyyələşdirilməsinə $844 mln ayırıb.

Fondun məlumatına görə, layihənin qiyməti $5,6 mlrd-dır. Layihədə Azərbaycanın payının maliyyələşdirilməsinə $844 mln, o cümlədən bu ilin I rübündə $84 mln ayrılıb.

2016-cı ildə Fonddan bu məqsədlə $204,8 mln ayrılacaq.

2013-2014-cü illərdə STAR NEZ tikintisi layihəsində Azərbaycanın payının maliyyələşdirilməsinə $760 mln ayrılıb. 2015-ci ilin əvvəlində Fond layihənin maliyyələşdirilməsinin başa çatdığını elan edib, amma bu il 2016-cı ilin büdcəsinə düzəlişdən sonra bərpa edib.

STAR NEZ-in təməli 2011-ci ildə qoyulub. Gücü ildə 10 mln ton neftdir. Zavod 2018-ci ildə istismara verilməlidir. 2014-cü ilin iyununda SOCAR Turkiye Enerji  23 bankla layihənin maliyyələşməsi barədə saziş imzalayıb. Cəlb ediləcək vəsaitin həcmi $3,29 mlrd-dır.
2003-cü ildə prezidentin sərəncamı  ilə SOCARTurkeyYatirim ASC yaradılıb. SC-nin nizamnamə kapitalı $1,9 mlrd, dövlətin payı 40%-dir. Dövlətin payı ARDNF-nin vəsaitləri ilə maliyyələşdiriləcək. –12B--