Neft Fondu TANAP-ın səhmdarı olacaq

Dövlət Neft Fondu Transanadolu qaz kəmərinin tikintisi və istismarı üzrə konsorsiumun səhmdar kapitalında iştirak edəcək. 

Fineko portalı ARDNF icraçı direktoru Şahmar Mövsümova istinadən məlumat verir ki, hazırda Fondun TANAP-ın səhmdar kapitalında iştirakı müzakirə edilir, layihənin kredit hissəsində iştirakdan söz getmir. 

“Bu gün ARDNF-nin TANAP kapitalında iştirak həcmi tam müəyyənləşməyib. Konsorsium formalaşandan sonra TANAP səhmdarları layihənin digər hissəsinin maliyyələşməsi üçün kredit resursu cəlb edilməsinə baxacaqlar. ARDNF beynəlxalq maliyyə banklarından cəlb edilən vəsaitlərin çatmayan hissəsini verə bilər, amma məncə, buna ehtiyac olmayacaq. TANAP səmərəli və mənfəətli layihədir və kredit cəlbində problem olmayacaq”, – deyə Mövsümov bildirib. 

Səhmdar kapitalı TANAP-ın tikintisinin 30%-i ödəyəcək, qalan 70% kənardan ödəniləcək. 

Bu gün TANAP səhmdarları ARDNŞ (80%), hərəyə 10% olmaqla ТРАО və BOTAS-dır. 

ARDNş elan edib ki, payının 29%-i üçüncü tərəflərə verəcək. Bu yaxınlarda ARDNŞ prezidenti deyib ki, üç şirkət  - BP, Statoil (hərəyə 12%) və Total (5%)- bu 29%-i almaq istəyir..

* Turan-ın arayışı: TANAP kəmərinin uzunluğu 1790 km, buraxılış qabiliyyəti birinci mıərhələdə 16 mlrd m3 olacaq. Onun tikintisinə 2014-cü ilin əvvəlində start veriləcək. Layihənin həyata keçməsi üçün 8 mlrd avro investisiya tələb olunur. --0—